కబ్జాకు కళ్లెం
ABN, First Publish Date - 2021-10-30T05:19:00+05:30
అధికార పార్టీ నాయకుల భూ కబ్జాలకు అధికారులు కళ్లెం వేశారు.
- పంచాయతీ స్థలాలు ఆక్రమిస్తే ఎవరినీ ఉపేక్షించం
- అధికార పార్టీ నాయకుల ఆగడాలకు అధికారుల అడ్డుకట్ట
ఆదోని రూరల్‌, అక్టోబరు 29: అధికార పార్టీ నాయకుల భూ కబ్జాలకు అధికారులు కళ్లెం వేశారు. మండలంలోని ఇస్వీ గ్రామ పంచాయతీ ముందు ఖాళీగా ఉన్న పంచాయతీ స్థలాన్ని గ్రామ వైసీపీ నాయకుడు శివారెడ్డి ఆక్రమించడంపై ఈ నెల 26వ తేదీన ‘ఆంధ్రజ్యోతి’ పత్రికలో ‘పంచాయతీ స్థలంలో పాగా.. దర్జాగా కబ్జా చేసిన వైసీపీ నాయకుడు’ అన్న కథనం ప్రచురితమైంది. దీంతో డీపీవో కార్యాలయ అధికారులు స్పందించి వెంటనే ఆ బంకును తొలగించాలని, పంచాయతీ స్థలాన్ని ఆక్రమించిన వ్యక్తికి నోటీసులు ఇవ్వాలని ఇస్వీ పంచాయతీ సిబ్బందికి ఆదేశాలు జారీ చేశారు. దీంతో పంచాయతీ కార్యదర్శి వేణుగోపాల్‌రెడ్డి సదరు స్థలాన్ని ఆక్రమించిన శివారెడ్డికి నోటీసులు ఇవ్వడంతోపాటు ఆ బంకును అక్కడి నుంచి తొలగించాలని, లేనిపక్షంలో చట్టపరమైన చర్యలు తీసుకోవాల్సి వస్తుందని హెచ్చరించారు. దీంతో సదరు వ్యక్తులు శుక్రవారం ఉదయం బంకును అక్కడి నుంచి తొలగించారు.
Updated Date - 2021-10-30T05:19:00+05:30 IST