బయ్యారెడ్డి చెరువుకు గండి
ABN, First Publish Date - 2021-11-27T06:03:33+05:30
మండలంలోని పత్తేగడ గ్రామానికి చెందిన పాలెం కురవ పల్లె సమీపంలోని బయ్యారెడ్డి చెరువుకు గండి పడటంతో చెరువు కట్ట పరిస్థితి ఆందోళనకరంగా మారింది.
కలికిరి, నవంబరు 26: మండలంలోని పత్తేగడ గ్రామానికి చెందిన పాలెం కురవ పల్లె సమీపంలోని బయ్యారెడ్డి చెరువుకు గండి పడటంతో చెరువు కట్ట పరిస్థితి ఆందోళనకరంగా మారింది. ఎంపీడీవో వెంక టేశులు, డీటీ సుబ్బయ్య, ఏఈ డమరుకం, సచివాలయ ఇంజినీరింగ్‌ అసిస్టెంట్లు గండి పూడ్చడానికి ప్రయత్నాలు ముమ్మరం చేసినా చీకటి పడటంతో పనులు కొనసాగలేదు. బయ్యారెడ్డి చెరువు ఆయకట్టు మర్రికుంటపల్లె గ్రామ పరిధిలో ఉంది. ఈ చెరువుకు ప్రమాదం జరిగితే మర్రికుంటపల్లె, మేడికుర్తి గ్రామాలకు ముప్పు తప్పదంటున్నారు. అలాగే కొత్తగజ్జలవారిపల్లెలోని 250 ఇళ్లు మునిగిపోవడం ఖాయమని అంటున్నారు. బయ్యారెడ్డి చెరువు తెగితే ఆ వరద కొమ్మేపల్లె చెరువుకు చేరి ఆ చెరువు తెగిపోవచ్చని అదే జరిగితే కొమ్మేపల్లె, చెరువుముందర కురవపల్లె, మేడుకుర్తి ప్రమాదంలో పడుతాయని ఆందోళన వ్యక్తమవుతోంది. అయితే భయ పడాల్సిన అవసరం లేదని బయ్యారెడ్డి చెరువుకు పడిన గండిని శనివారం పూడ్చివేస్తామని జలవనరుల శాఖ ఏఈ డమరుకం చెప్పారు.
Updated Date - 2021-11-27T06:03:33+05:30 IST