తిరుపతి టెంపుల్ టౌన్‌లో చంద్రబాబు రోడ్ షో
ABN, First Publish Date - 2021-04-12T23:38:19+05:30
తిరుపతి టెంపుల్ టౌన్‌లో చంద్రబాబు రోడ్ షో
చిత్తూరు: తిరుపతి నియోజకవర్గం‌లో చంద్రబాబు పర్యటన కొనసాగుతోంది. తిరుపతి ఉపఎన్నిక నేపథ్యంలో టీడీపీ అభ్యర్థి పనబాక లక్ష్మి తరపున ఆయన ప్రచారం నిర్వహిస్తున్నారు. ప్రస్తుతం చంద్రబాబు టెంపుల్ టౌన్‌లో రోడ్ షో నిర్వహిస్తున్నారు. చంద్రబాబుతో పాటు టీడీపీ ఎంపీ జయదేవ్, నల్లారి కిషోర్, పలువురు టీడీపీ సీనియర్ నేతలు రోడ్‌పై నడుస్తూ ప్రజలకు అభివాదం చేస్తున్నారు. టీడీపీకే ఓటు వేయాలని అభ్యర్థిస్తున్నారు. ఇందుకు ప్రజల నుంచి భారీ స్పందన వస్తోంది. జై టీడీపీ అంటూ నినాదాలు చేస్తున్నారు. కాగా ఈ నెల 17న ఉపఎన్నిక జరగనుంది. టీడీపీ నుంచి పనబాక, వైసీపీ నుంచి గురుమూర్తి, బీజేపీ నుంచి రత్నప్రభతో పాటు పలు పార్టీల అభ్యర్థులు కూడా పోటీ ఉన్నారు.
Updated Date - 2021-04-12T23:38:19+05:30 IST