ఫలితాలు టీడీపీ, జనసేనలకు చెంపపెట్టు
ABN, First Publish Date - 2021-03-15T09:24:56+05:30
ఈ మున్సిపల్ ఎన్నికలు టీడీపీ, జనసేన పార్టీలకు చెంప పెట్టని భీమవరం ఎమ్మెల్యే గ్రంధి శ్రీనివాస్ విమర్శించారు.
విడాకులిచ్చి ఎన్ని పెళ్లిళ్లయినా చేసుకోవచ్చు కానీ... రాజకీయాల్లో అలా కుదరదు: గ్రంధి
భీమవరం, మార్చి 14: ఈ మున్సిపల్ ఎన్నికలు టీడీపీ, జనసేన పార్టీలకు చెంప పెట్టని భీమవరం ఎమ్మెల్యే గ్రంధి శ్రీనివాస్ విమర్శించారు. ఆదివారం ఆయన మీడియాతో మాట్లాడారు. జనసేన అధినేత పవన్ కళ్యాణ్పై వ్యక్తిగతంగా తీవ్రస్థాయిలో విరుచుకుపడ్డారు. ‘‘విడాకులు తీసుకుని ఎన్ని పెళ్లిళ్లు అయినా చేసుకోవచ్చు. కానీ రాజకీయాల్లో అలా కుదరదు. ఇక్కడ విలువలు, సిద్ధాంతాలు ఉంటాయి. నిన్న, మొన్నటి దాకా కమ్యూనిస్టులను పవన్ మోసం చేశారు. టీడీపీతో విడిపోయి, బీజేపీతో కలిసి... లోపాయికారిగా కింద స్థాయిలో టీడీపీతో కలిసి పనిచేస్తున్నారు’’ అని ఆరోపించారు. చంద్రబాబు, పవన్ నీచ రాజకీయాలను ప్రజలు తిరస్కరించారు అన్నారు. ఈ రెండు పార్టీలూ విశ్రాంతి తీసుకోవాలని ఎద్దేవా చేశారు.
Updated Date - 2021-03-15T09:24:56+05:30 IST