హైదరాబాద్: నల్ల పోచమ్మ విగ్రహం ఎక్కడ?
ABN, First Publish Date - 2020-08-11T17:01:29+05:30
తెలంగాణ పాత సెక్రటేరియట్ కూల్చివేత తర్వాత నల్ల పోచమ్మ విగ్రహం ఎక్కడ ఉంది?
హైదరాబాద్: తెలంగాణ పాత సెక్రటేరియట్ కూల్చివేత తర్వాత నల్ల పోచమ్మ విగ్రహం ఎక్కడ ఉంది? నిజంగానే ఆలయ పూజారితోసహా ఎవరికీ తెలియదా? రోజూ విగ్రహానికి సరైన పూజాది కార్యక్రమాలు నిర్వహిస్తున్నారా? అలా చేయకపోతే అరిష్టమని పండితులు ఎందుకంటున్నారు? కొత్త సెక్రటేరియట్ నిర్మాణంలో భాగంగా పాత సచివాలయాన్ని నేలమట్టం చేశారు. అదే సమయంలో నల్లపోచమ్మ గుడిని కూల్చేశారు. సచివాలయ భవనాలు కూల్చేస్తుండగా శిథిలాలు పడడంవల్ల పోచమ్మ గుడి దెబ్బతిందని.. అందుకే కూల్చాల్సి వచ్చిందని ప్రభుత్వం ప్రకటించింది. అయితే గుడిని కూల్చేముందు సరైన పూజాది కార్యక్రమాలు నిర్వహించి విగ్రహాన్ని కదిలించాలి. కూల్చివేత సమయంలో ఆలయంలో ప్రతిరోజూ పూజలు నిర్వహించే పూజారులకు తెలియకుండా గజ్వేల్‌కు చెందిన పూజారులతో పూజలు చేయించి విగ్రాహాన్ని కదిలించి మరోచోటికి తరలించారు. ఆ విగ్రహాన్ని కదిలించే ముందు సరైన పూజాది కార్యక్రమాలు నిర్వహించారో.. లేదో.. ఆ విగ్రహం ఎక్కడుందో తెలియదని నల్లపోచమ్మ ఆలయ పూజారులు అంటున్నారు.
Updated Date - 2020-08-11T17:01:29+05:30 IST