నూతన వ్యవసాయ చట్టాలను రాజకీయ కోణంలో చూడొద్దు: విద్యాసాగర్రావు
ABN, First Publish Date - 2020-12-11T17:29:51+05:30
నూతన వ్యవసాయ చట్టాలను రాజకీయ కోణంలో చూడొద్దని మాజీ గవర్నర్ సీహెచ్. విద్యాసాగర్రావు వ్యాఖ్యానించారు.
రాజన్న సిరిసిల్ల జిల్లా : నూతన వ్యవసాయ చట్టాలను రాజకీయ కోణంలో చూడొద్దని మాజీ గవర్నర్ సీహెచ్. విద్యాసాగర్రావు వ్యాఖ్యానించారు. రైతులకు ఈ చట్టాలతో ఎంతో మేలు జరుగుతుందని అన్నారు. రాజకీయ పబ్బం గడుపుకోవాలని రైతులను తప్పుదారి పట్టించొద్దని హితువు పలికారు. నూతన వ్యవసాయ చట్టాలను కొందరు గుడ్డిగా వ్యతిరేకిస్తున్నారని మండిపడ్డారు. ప్రధాని మోదీ రైతుల కోసం ఎన్నో సంస్కరణలు తీసుకొచ్చారని తెలిపారు. సంక్షోభంలో ఉన్న వ్యవసాయ రంగాన్ని గట్టెక్కించడానికి మోదీ ఎంతో కృషి చేస్తున్నారని పేర్కొన్నారు. కొత్త చట్టాలపై గ్రామస్థాయి రైతుల్లో చర్చ జరగాల్సిన అవసరం ఉందని సూచించారు.
Updated Date - 2020-12-11T17:29:51+05:30 IST