భూపాలపల్లిలో మరో అధికారిపై లైంగిక కేసు
ABN, First Publish Date - 2020-06-05T20:04:00+05:30
జయశంకర్ భూపాలపల్లి జిల్లాలో వైద్యాధికారి వేణుగోపాలరావు వేధింపుల విషయం మరువకముందే..
జయశంకర్ భూపాలపల్లి జిల్లాలో వైద్యాధికారి వేణుగోపాలరావు వేధింపుల విషయం మరువకముందే మరో ఘటన వెలుగులోకి వచ్చింది. జిల్లా ఎక్సైజ్ సూపరింటెండెంట్ శశిధర్ రెడ్డి వేధిస్తున్నారని జిల్లా జాయింట్ కలెక్టర్‌కు ఫిర్యాదు అందింది. మలోహర్ మండలానికి చెందిన ఎక్సైజ్ సీఐ ప్రశాంతి జిల్లా జాయింట్ కలెక్టర్‌కు ఈ మేరకు ఫిర్యాదు చేశారు. కాటారం ఎక్సైజ్ సీఐగా ప్రశాంతి విధులు నిర్వహిస్తున్నారు. అయితే కానిస్టేబుల్స్ విధులకు రాకపోయినా డ్యూటీలో ఉన్నట్లు హాజరు వేయాలని శశిధర్ రెడ్డి తనపై ఒత్తిడి తీసుకువస్తున్నారని ఆమె ఆరోపించారు. పరుషపదజాలంతో దూషిస్తున్నారని ఆవేదన వ్యక్తం చేశారు.
Updated Date - 2020-06-05T20:04:00+05:30 IST