అస్తవ్యస్తంగా అంతర్గత రోడ్లు
ABN, First Publish Date - 2020-10-19T09:13:35+05:30
మున్సిపల్‌ అధికారుల నిర్లక్ష్యం... కాంట్రాక్టర్ల నిర్వాకంతో ఇప్పటికే మున్సిపాలిటీలోని అంతర్గత రోడ్లు పూర్తిగా
వర్షాలకు కొట్టుకుపోయిన మట్టి రోడ్లు
లోపించిన పారిశుధ్యం.. ప్రజల ఇబ్బందులు
షాద్‌నగర్‌: మున్సిపల్‌ అధికారుల నిర్లక్ష్యం... కాంట్రాక్టర్ల నిర్వాకంతో ఇప్పటికే మున్సిపాలిటీలోని అంతర్గత రోడ్లు పూర్తిగా దెబ్బతిన్నాయి. ఇటీవలి భారీ వర్షాలకు రోడ్లన్నీ ధ్వంసం అయ్యాయి. గృహా ల మధ్యలో వర్షపు నీటి గుంటలు ఏర్పడ్డాయి. చాలా కాలనీల్లో ఇళ్ల మధ్యనే మురుగునీరు చెరువులను తలపిస్తోంది. దీంతో పారిశుధ్యం లోపిస్తోంది. ఈగలు, దోమలు పెరిగి పట్టణ ప్రజలు జ్వరాల బారిన పడుతున్నారు.
వాహన చోదకులకు ఇబ్బందులు
రోడ్లన్నీ గుంతలమయం కావడంతో వాహనచోదకులు ప్రమాదా లకు గురవుతున్నారు. పలు చోట్ల వేసిన సీసీ రోడ్లు నాణ్యతా లోపం తో మూన్నాళ్లకే దెబ్బతిన్నాయి. డ్రైయిన్లు లేక మురుగునీరు వర్షపు నీటితో కలిసి రోడ్లపై పారుతోంది. వర్షాలతో పలు ప్రాంతాలు దుర్గంధభరితంగా మారాయి. ఇప్పటికైనా మున్సిపల్‌ అధికారులు, ప్రజా ప్రతినిధులు స్పందించి కాలనీల్లో నీరు నిలవకుండా అంతర్గత రోడ్ల కు మరమ్మతులు చేపట్టాలని, కొన్ని ప్రాంతాల్లో ఏర్పడిన నీటి గుం టలను పూడ్చివేయాలని పట్టణ వాసులు కోరుతున్నారు.
Updated Date - 2020-10-19T09:13:35+05:30 IST