1. • Home » Telangana » nallagonda

అధిక వడ్డీ ఆశ చూపి మోసానికి పాల్పడ్డ కిలాడీ లేడీ

అధిక వడ్డీ ఆశ పెట్టి మహిళల నుంచి భారీగా డబ్బులు వసూలు కిలాడి లేడీ ఘటన జిల్లాలో చోటు చేసుకుంది.

నల్లగొండ: అధిక వడ్డీ ఆశ పెట్టి మహిళల నుంచి భారీగా డబ్బులు వసూలు చేసిన కిలాడి లేడీ ఘటన జిల్లాలో చోటు చేసుకుంది. పట్టణంలోని శివాజీ నగర్‌కు చెందిన ఆకుల స్వాతి టప్పర్ వేర్ వస్తువుల విక్రయ వ్యాపారం చేస్తూ పలువురిని బురిడీ కొట్టించింది. లక్షకు వారానికి రూ.25వేలు వడ్డీ ఇస్తూ పలువురు మహిళల నుంచి సుమారు రూ.3 కోట్ల వరకు వసూలు చేసింది. కొద్ది రోజులుగా వడ్డీ ఇవ్వక పోవడంతో మహిళలు నిలదీశారు. దీంతో అప్రమత్తమైన కిలాడీ లేడీ తనను చంపుతామని బెదిరిస్తున్నారంటూ ముందస్తుగానే పోలీసులకు ఫిర్యాదు చేసింది. అధిక వడ్డీ ఆశతో భర్తలకు తెలియకుండా, సరైన ఆధారాలు లేకుండా డబ్బు ఇచ్చి పలువురు మహిళలు మోసపోయారు. ఈ విషయాన్ని పలువురు బాధితులు ఎస్పీ రంగనాథ్ దృష్టికి తీసుకెళ్లారు. కేసు నమోదు చేసిన పోలీసులు విచారణ చేపట్టారు.