సంగారెడ్డి ముంపు ప్రాంతాల్లో జగ్గారెడ్డి పర్యటన
ABN, First Publish Date - 2020-10-18T17:01:33+05:30
తెలంగాణ రాష్ట్రంలో కురుస్తున్న భారీ వర్షాలకు చెరువులు, కుంటలు పొంగిపోర్లుతున్నాయి. పలుచోట్ల చెరువులకు, కుంటలకు గండ్లు పడుతున్నయి, అయితే..
సంగారెడ్డి : తెలంగాణ రాష్ట్రంలో కురుస్తున్న భారీ వర్షాలకు చెరువులు, కుంటలు పొంగిపోర్లుతున్నాయి. పలుచోట్ల చెరువులకు, కుంటలకు గండ్లు పడ్డాయి. శనివారం రాత్రి కురిసిన భారీ వర్షానికి సంగారెడ్డి జిల్లాలోని కొండాపూర్ మండలంలో మల్లేపల్లి గ్రామం చెరువు కట్ట తెగింది. దీంతో మల్లేపల్లి-గోపులారం గ్రామాల మధ్య రాకపోకలకు అంతరాయం ఏర్పడింది. చెరువు కట్ట తెగడంతో దాదాపుగా రెండు వందల ఎకరాలలో పంట నీట మునిగింది. ఈ విషయం తెలుసుకున్న కాంగ్రెస్ ఎమ్మెల్యే జగ్గారెడ్డి ఆదివారం కొండాపూర్లో పర్యటించి గ్రామస్తులను, రైతులను పరామర్శించారు. పంట నష్టోపయిన రైతులకు పరిహారం అందించాలని ప్రభుత్వాన్ని డిమాండ్ చేశారు. చెరువు కట్ట పునర్నిర్మాణ పనులు చేపట్టి రాకపోకలను పునరుద్ధరించాలని అధికారులకు ఎమ్మెల్యే సూచించారు.
Updated Date - 2020-10-18T17:01:33+05:30 IST