దసరా నాటికి దంసలాపురం రోడ్ ఓవర్ బ్రిడ్జి: మంత్రి అజయ్
ABN, First Publish Date - 2020-10-02T01:31:15+05:30
ప్రజల చిరకాల కోరిక రూ.74కోట్లతో నిర్మిస్తున్న దంసలాపురం బ్రిడ్జి నిర్మాణ పనులను రవాణా శాఖ మంత్రి పువ్వాడ అజయ్ కుమార్ గారు పరిశీలించారు.
ఖమ్మం ప్రజల చిరకాల కోరిక రూ.74కోట్లతో నిర్మిస్తున్న దంసలాపురం రోడ్ ఓవర్ బ్రిడ్జి నిర్మాణ పనులను రవాణా శాఖ మంత్రి పువ్వాడ అజయ్ కుమార్ గారు పరిశీలించారు. పనులు దాదాపు పూర్తి కావచ్చాయని అధికారులు వివరించారు. ఖమ్మం-బోనకల్ కు అనుసంధాన పనులను తుది దశకు చేరుకున్నాయి. మరో 15 రోజుల్లో ప్యాచి పనులు రంగులు, మొక్కలు తదితర పనులను పూర్తి చేయాలని అధికారులను మంత్రి పువ్వాడ ఆదేశించారు. ఈ దసరా నాటికి పురపాలక శాఖ మంత్రి కల్వకుంట్ల తారకరామారావు గారి చేతుల మీదగా లాంఛనంగా ప్రారంభించనున్నట్లు తెలిపారు. ఎన్నో ఎల్లనాటి కల సాకారం కానుందని మంత్రి పేర్కొన్నారు.
Updated Date - 2020-10-02T01:31:15+05:30 IST