ఏబీఎన్ ఎఫెక్ట్: ఓల్డ్ మలక్పేట్లో పోలింగ్ రద్దు
ABN, First Publish Date - 2020-12-01T16:58:08+05:30
హైదరాబాద్: ఓల్డ్ మలక్పేట్ డివిజన్ 26లో పోలింగ్ రద్దు అయింది. మలక్ పేట డివిజన్ బ్యాలెట్ పేపరులో
హైదరాబాద్: ఓల్డ్ మలక్పేట్ డివిజన్ 26లో పోలింగ్ రద్దు అయింది. మలక్ పేట డివిజన్ బ్యాలెట్ పేపరులో గుర్తు మారిన అంశాన్ని ఏబీఎన్ ఆంధ్రజ్యోతి ఎన్నికల సంఘం దృష్టికి తీసుకెళ్లింది. ఏబీఎన్ ఇచ్చిన సమాచారం, వార్తా కథనాలతో పాటు సీపీఐ ఇచ్చిన ఫిర్యాదుతో ఆ డివిజన్లో ఎన్నికల సంఘం పోలింగ్ను రద్దు చేసింది. ఓల్డ్ మలక్పేట్లో సీపీఐ గుర్తు బదులుగా సీపీఎం గుర్తు వచ్చింది. ఈసీ గుర్తులు పరిశీలించి పోలింగ్ రద్దు చేసింది. కంకి కొడవలి గుర్తుకు బదులు సుత్తికొడవలి నక్షత్రం గుర్తు రావడంతో ఈసీ ఈ నిర్ణయానికి వచ్చింది. ఓల్డ్ మలక్పేట్లో 1, 2, 3, 4, 5 పోలింగ్ కేంద్రాల్లో ఓటింగ్ను నిలిపివేశారు. ఈ పోలింగ్ కేంద్రాలకు సంబంధించిన పోలింగ్ను ఈ నెల 3వ తేదీన నిర్వహించనున్నట్టు ఈసీ వెల్లడించింది.
Updated Date - 2020-12-01T16:58:08+05:30 IST