మోదీ ప్రభుత్వ మహా మోసం పుస్తకావిష్కరణ
ABN, First Publish Date - 2020-12-20T02:56:12+05:30
మోదీ ప్రభుత్వ మహామోసం అనే పుస్తకాన్ని అఖిల భారత రైతు సంఘం ఆధ్వర్యంలో తెలంగాణ సహజకవి డాక్టర్‌ రాములు ఆధ్వర్యంలో శనివారం ఆత్మకూర్‌లో విడుదల చేశారు.
ఆత్మకూర్‌, డిసెంబరు 19: మోదీ ప్రభుత్వ మహామోసం అనే పుస్తకాన్ని అఖిల భారత రైతు సంఘం ఆధ్వర్యంలో తెలంగాణ సహజకవి డాక్టర్‌ రాములు ఆధ్వర్యంలో శనివారం ఆత్మకూర్‌లో విడుదల చేశారు. ఈ సందర్భంగా ఆయన మాట్లాడుతూ దేశానికి అన్నం పెట్టే రైతులకు పాలక ప్రభుత్వాలు వ్యవసాయానికి సహాయం అందించాలని తెలిపారు. రైతులకు గిట్టుబాటు ధర స బ్సిడీపై ఎరువులు, విత్తనాలు అందించే దిశగా ప్రభుత్వాలు పని చేయాలన్నారు. రైతు వ్యతిరేక చట్టాలను రద్దుచేయాలని ఢిల్లీలో ఉద్యమిస్తున్న రైతుల ఉద్యమం స్ఫూర్తిదాయకమని, రైతు లేనిదే రాజ్యం లేదని ప్రభుత్వాలు గుర్తుంచుకోవాలన్నారు. ఈ కార్యక్రమంలో అఖిల భారత రైతు సంఘం జిల్లా కన్వీనర్‌ రాజన్న, అరుణ్‌కుమార్‌, ప్రసాద్‌, రాజు,రైతులు ఆంజనేయులు, బీమన్న, నారాయణ, వాసిరెడ్డి రైతులు పాల్గొన్నారు.
Updated Date - 2020-12-20T02:56:12+05:30 IST