ఎక్కువ చట్టాలు ఉంటే దేనికిందనైనా రిజిస్ట్రేషన్: హైకోర్టు
ABN, First Publish Date - 2020-08-13T08:01:19+05:30
ఒక వ్యవస్థలో సంస్థల రిజిస్ట్రేషన్‌కు ఒకటి కంటే ఎక్కువ చట్టాలున్నప్పుడు ఫలానా చట్టం కిందే రిజిస్టర్‌ చేసుకోవాలని ప్రభుత్వం
ఒక వ్యవస్థలో సంస్థల రిజిస్ట్రేషన్‌కు ఒకటి కంటే ఎక్కువ చట్టాలున్నప్పుడు ఫలానా చట్టం కిందే రిజిస్టర్‌ చేసుకోవాలని ప్రభుత్వం ఆంక్షలు విధించజాలదని హైకోర్టు స్పష్టం చేసింది. అలాంటి ఆంక్షలు రాజ్యాంగంలోని ఆర్టికల్‌ 19(1)(సి), ఆర్టికల్‌ 43బీ, సహకార సంస్థల ప్రాథమిక నిబంధనలకు వ్యతిరేకమని తేల్చిచెప్పింది. తమ అవసరాలకు అనుగుణంగా దేనిలోనైనా సభ్యత్వం పొందే స్వేచ్ఛ సభ్యులకు ఉంటుందని తెలిపింది. తెలంగాణ మ్యూచువల్లీ ఎయిడెడ్‌ కో-ఆపరేటివ్‌ సొసైటీల చట్టం కింద రిజిస్ట్రేషన్ చేయడానికి నిరాకరిస్తూ సహకార సంఘాల రిజిస్ట్రార్‌ ఇచ్చిన ఉత్తర్వులు రాజ్యాంగ వ్యతిరేకమని స్పష్టం చేసిన న్యాయమూర్తి వాటిని రద్దు చేశారు. సహకార సంఘాల కింద సంక్షేమ సంఘాన్ని రిజిస్టర్‌ చేయరాదంటూ ప్రైవేటు పార్టీలు దాఖలు చేసిన వ్యాజ్యాలను కొట్టివేసింది. పిటిషనర్ల సంఘాన్ని కోర్టు ఆదేశాలు అందిన నెల రోజుల్లోగా రిజిస్టర్‌ చేయాలని రంగారెడ్డి జిల్లా సహకార అధికారి/రిజిస్ట్రార్‌ను ఆదేశించింది.
Updated Date - 2020-08-13T08:01:19+05:30 IST