1. • Home » Telangana » Karimnagar » Collector shashanka

ప్రతి ఆదివారం 10 గంటలకు 10 నిమిషాలు కేటాయిద్దాం

మన కోసం, మన పిల్లల భవిష్యత్‌ కోసం ప్రతి ఒక్కరం ప్రతి ఆదివారం ఉదయం 10 గంటలకు 10నిమిషాలపాటు కేటాయించి ఇంటిని, ఇంటి పరిసరాలను శుభ్రం ..

కలెక్టర్‌ కె.శశాంక 

కరీంనగర్‌, మే 17 (ఆంధ్రజ్యోతిప్రతినిధి): మన కోసం, మన పిల్లల భవిష్యత్‌ కోసం ప్రతి ఒక్కరం ప్రతి ఆదివారం ఉదయం 10 గంటలకు 10నిమిషాలపాటు కేటాయించి ఇంటిని, ఇంటి పరిసరాలను శుభ్రం చేసుకొని ఆరోగ్యజీవితం గడుపుదామని కలెక్టర్‌ కె.శశాంక జిల్లా ప్రజలకు పిలుపునిచ్చారు. మంత్రి కేటీఆర్‌ ఇచ్చిన పిలుపు మేరకు ఆదివారం ఉదయం 10గంటలకు కలెక్టర్‌ తన క్యాంపు కార్యాలయంలోని కూలర్లలో నిలువ ఉన్న నీటిని తొలగించారు. పరిసరాలను శుభ్రం చేసి చెట్లకు నీళ్లు పట్టారు.

ఈ సందర్భంగా మాట్లాడుతూ ఇళ్లలో, పరిసరప్రాంతాలలో పరిశుభ్రత పాటించడం వల్ల పొడి వాతావరణం ఏర్పడి దోమల లార్వా, క్రిమికీటకాల ఉత్పత్తి నివారణకు అవకాశం ఉంటుందని తెలిపారు. అందుకే ఆదివారం ఉదయం 10గంటలకు పది నిమిషాలు ప్రతిఒక్కరూ వారివారి ఇళ్లలో డ్రైడే పాటించాలని ఆయన అన్నారు.