అమిత్‌షా, యోగి ఆదిత్యనాథ్ హైదరాబాద్ పర్యటన తేదీలు ఫిక్స్
ABN, First Publish Date - 2020-11-25T18:22:40+05:30
హైదరాబాద్: గ్రేటర్ హైదరాబాద్ మునిసిపల్ కార్పొరేషన్ ఎన్నికలను బీజేపీ చాలా ప్రతిష్టాత్మకంగా తీసుకుంది.
హైదరాబాద్: గ్రేటర్ హైదరాబాద్ మునిసిపల్ కార్పొరేషన్ ఎన్నికలను బీజేపీ చాలా ప్రతిష్టాత్మకంగా తీసుకుంది. ఈ నేపథ్యంలోనే బీజేపీ అగ్ర నేతలు ప్రచారంలో పాల్గొనబోతున్నారు. కేంద్ర హోంమంత్రి అమిత్ షా, యూపీ సీఎం యోగి ఆదిత్యనాథ్ సహా జేపీ నడ్డా తదితరుల హైదరాబాద్ పర్యటన తేదీలు ఖరారయ్యాయి. ఈ క్రమంలోనే రేపు బీజేపీ గ్రేటర్ ఎన్నికల మేనిఫెస్టోను విడుదల చేయనుంది. మహారాష్ట్ర మాజీ సీఎం దేవేంద్ర ఫడ్నవీస్ ఈ మేనిఫెస్టోను విడుదల చేయనున్నారు. ఈ నెల 27న హైదరాబాద్‌కు యూపీ సీఎం యోగీ ఆదిత్యానాథ్ రానున్నారు. కాగా.. యోగి పాతబస్తీలో ఎన్నికల ప్రచారంలో పాల్గొనే అవకాశం ఉన్నట్టు తెలుస్తోంది. 28న హైదరాబాద్‌కు జాతీయ బీజేపీ అధ్యక్షుడు జేపీ నడ్డా, 29న అమిత్ షా రోడ్‌ షోలలో పాల్గొననున్నారు.
Updated Date - 2020-11-25T18:22:40+05:30 IST