నేడు ఎయిడ్స్ దినం..తగ్గుతున్న హెచ్ఐవీ వ్యాప్తి
ABN, First Publish Date - 2020-12-01T12:00:47+05:30
ఈ ఏడాది రాష్ట్రంలో హెచ్ఐవీ కేసులు స్వల్పంగా తగ్గాయి. తెలంగాణలో ఏటా బాధితులు 11 వేల నుంచి 13 వేల మధ్య ఉంటుండగా, 2019-20లో ఆ సంఖ్య 10,651కి పరిమితమైంది...
ఈ ఏడాది కొత్తగా 10,651 మందికి..
హైదరాబాద్: ఈ ఏడాది రాష్ట్రంలో హెచ్ఐవీ కేసులు స్వల్పంగా తగ్గాయి. తెలంగాణలో ఏటా బాధితులు 11 వేల నుంచి 13 వేల మధ్య ఉంటుండగా, 2019-20లో ఆ సంఖ్య 10,651కి పరిమితమైంది. ఈ వ్యవధిలో 33 జిల్లాల్లో 7,78,020 మందికి పరీక్షలు నిర్వహించారు. హెచ్ఐవీ వ్యాప్తి రేటు మహబూబ్నగర్ జిల్లా (2.75)లో అధికంగా ఉంది. ఉమ్మడి జిల్లాలపరంగా చూసినా ఇక్కడే అత్యధికం. రెండో స్థానంలో వికారాబాద్ (2.69), ఆ తర్వాత సంగారెడ్డి, సూర్యాపేట, నాగర్కర్నూల్ జిల్లాలు ఉన్నాయి.
కేసుల విషయానికొస్తే హైదరాబాద్ మొదటి స్థానంలో నిలిచింది. రాజధానిలో 1,944 హెచ్ఐవీ కేసులు నమోదవగా రెండో స్థానంలో ఉమ్మడి మహబూబ్నగర్ ఉంది. 2018లో హెచ్ఐవీ వ్యాప్తిలో మిజోరం, తెలంగాణ ఒకటి, రెండు స్థానాల్లో ఉన్నాయి. ఆ ఏడాది రాష్ట్రంలో 11,820 కేసులు నమోదయ్యాయి. 2019లో 1,169 మేర తగ్గాయి. గతంలో హెచ్ఐవీ వ్యాప్తి కేసుల్లో తెలంగాణనాలుగో స్థానంలో నిలవగా 2019లో 6వ స్థానానికి మారింది. రెండేళ్లలో ఇన్ఫెక్షన్ రేటుతో పాటు మరణాలూతగ్గాయి. ప్రస్తుతం రాష్ట్రంలో 80,645 మంది హెచ్ఐవీకి చికిత్స తీసుకుంటున్నారు.
ఉమ్మడి కొత్త జిల్లాలు కేసులు
ఆదిలాబాద్ 440
హైదరాబాద్ 1944
కరీంనగర్ 713
ఖమ్మం 988
మహబూబ్నగర్ 1407
మెదక్ 1097
నల్లగొండ 1180
నిజామాబాద్ 808
రంగారెడ్డి 1312
వరంగల్ 762
Updated Date - 2020-12-01T12:00:47+05:30 IST