ఖాళీగా హైదరాబాద్ రోడ్లు
ABN, First Publish Date - 2020-07-12T21:20:45+05:30
కరోనా ప్రభావంతో హైదరాబాద్‌లో రద్దీగా ఉండే ప్రాంతాలన్నీ ఖాళీగా కనిపిస్తున్నాయి.
హైదరాబాద్: కరోనా ప్రభావంతో హైదరాబాద్‌లో రద్దీగా ఉండే ప్రాంతాలన్నీ ఖాళీగా కనిపిస్తున్నాయి. రాబోయే రెండు నెలల్లో కేసులు పెరుగుతాయనే అంచనాల మధ్య చాలా మంది సొంతూళ్లకు వెళ్లిపోయారు. మరికొందరు ఇంటిబాటనే ఉంటున్నారు. భాగ్యనగరంపై కరోనా ప్రభావం తీవ్రంగా పడింది. గ్రేటర్ హైదరాబాద్‌లో రోజు రోజుకు కరోనా కేసులు పెరుగుతుండడంతో ఇళ్ల నుంచి బయటకు రావాలంటే జనాలు భయపడుతున్నారు.
లాక్ డౌన్ సమయంలో ఉపాధి కోల్పోయినప్పటికీ ఆ తర్వాత సాధారణ పరిస్థితులు ఉంటాయని అంతా భావించారు. కానీ పరిస్థితులు అందుకు భిన్నంగా ఉన్నాయి. చిరు వ్యాపారాలు చేసుకునేవారిపై ఈ ప్రభావం తీవ్రంగా పడుతోంది. ఒకప్పుడు టూ లెట్ బోర్డు కనిపిస్తే చాలు వెంటనే అడ్వాన్స్ ఇచ్చి దిగిపోయేవారు. ఇప్పుడు నగరంలో ఎక్కడ చూసినా టూ లెట్ బోర్డులే కనిపిస్తున్నాయి.
Updated Date - 2020-07-12T21:20:45+05:30 IST