బంజారా హిల్స్ రోడ్ నెంబర్ 14 భూవివాదంలో కొత్త కోణం
ABN, First Publish Date - 2020-08-10T00:07:14+05:30
బంజారా హిల్స్ రోడ్ నెంబర్ 14 భూవివాదంలో కొత్త కోణం వెలుగులోకి వచ్చింది. భూవివాదంలో నకిలీ పత్రాలు సృష్టించినట్లు ఏసీబీ గుర్తించింది. పాతబస్తీకి చెందిన సయ్యద్ ఖలీద్పై చర్యలు తీసుకోవాలని
హైదరాబాద్: బంజారా హిల్స్ రోడ్ నెంబర్ 14 భూవివాదంలో కొత్త కోణం వెలుగులోకి వచ్చింది. భూవివాదంలో నకిలీ పత్రాలు సృష్టించినట్లు ఏసీబీ గుర్తించింది. పాతబస్తీకి చెందిన సయ్యద్ ఖలీద్పై చర్యలు తీసుకోవాలని, సీసీఎస్ పోలీసులకు ఏసీబీ ఫిర్యాదు చేసింది. గతంలో ఈ ల్యాండ్పై రెవెన్యూ అధికారుల నిర్ణయాన్ని సవాల్ చేస్తూ నిందితుడు సయ్యద్ ఖలీద్ హైకోర్టును ఆశ్రయించాడు. 2007లో షేక్పేట్ తహశీల్దార్ కార్యాలయం సర్వే చేసినట్లు డాక్యుమెంట్స్లో ఉన్నాయి. 2018లో ఆ డాక్యుమెంట్లను ఖలీద్ కోర్టుకు అందజేశాడు. స్థలం సర్వే చేసి భూమి ఖలీద్కు ఇవ్వాలని గతేడాది న్యాయస్థానం ఉత్తర్వులిచ్చింది. ఖలీద్ సమర్పించిన అన్ని పత్రాలు నకిలీగా ఏసీబీ, సీసీఎస్ పోలీసులు తేల్చారు. ఈ కేసులో రూ.50 లక్షలు లంచం తీసుకుంటుండగా ఆర్ఐ నాగార్జునరెడ్డి, షేక్పెట్ ఎమ్మార్వో సుజాత, బంజారాహిల్స్ ఎస్సై రవీంద్ర నాయక్ ఏసీబీకి పట్టుబడ్డారు. బంజారాహిల్స్, గోల్కొండలో నిందితుడిపై 4 కేసులు నమోదయ్యాయి. నిందితుడు ఖలీద్తో పాటు లీగల్ అడ్వైజర్ అశోక్రెడ్డిని సీసీఎస్ పోలీసులు అరెస్ట్ చేశారు.
Updated Date - 2020-08-10T00:07:14+05:30 IST