అయ్యబాబోయ్‌! ఒక్క ఫోనులో ఇన్ని ఫీచర్లా!!
ABN, First Publish Date - 2020-03-01T01:11:38+05:30
స్మార్ట్‌ఫోన్లు ఇప్పుడు నిత్యావసరాలు. కానీ ప్రతిరోజూ వాటిలో కొత్త టెక్నాలజీ జతపడదు. కొత్త ఫీచర్లు లేకపోయినా - అవసరం కొద్దీ స్మార్ట్‌ఫోన్లన్నీ క్రేజీగానే అమ్ముడుపోతున్నాయిప్పుడు.
స్మార్ట్‌ఫోన్లు ఇప్పుడు నిత్యావసరాలు. కానీ ప్రతిరోజూ వాటిలో కొత్త టెక్నాలజీ జతపడదు. కొత్త ఫీచర్లు లేకపోయినా - అవసరం కొద్దీ స్మార్ట్‌ఫోన్లన్నీ క్రేజీగానే అమ్ముడుపోతున్నాయిప్పుడు. అయితే - ఈ రకం ఫోన్లన్నిటినీ మించిపోతూ ఏదైనా కొత్త ఫీచర్‌ వస్తే బాగుండును - అనుకుంటారు స్మార్ట్‌ ఫోన్‌ ప్రియులు. ఎందుకంటే అలాంటి ఫీచర్‌ ఒక్కటైనా ఉన్నప్పుడే - ఫోన్‌ రేపటి తరానిది - అనిపిస్తుంది. అయితే అలాంటి వారి కోసం - కేవలం ఒకటీ రెండూ కాదు - అనేక కొత్త ఫీచర్లను నింపుకుంటూ సంచలనాత్మకంగా రిలీజ్‌ కాబోతోంది ఒక ఫోన్‌! అదే వివో ( Vivo) కంపెనీ నించి వస్తున్న ఎపెక్స్‌ 2020 ( APEX 2020 ). ఇది ఓ గొప్ప కాన్సెప్ట్ ఫోన్‌.
వివో - ఈ ఎపెక్స్‌ 2020 లో ఎలాంటి ఫీచర్లని అందిస్తోందో తెలిస్తే నిజంగా ఆశ్చర్యానికి గురవుతారు.
త్వరలో రాబోతున్న ఈ ఫోన్లో ఉండబోతున్న ఫీచర్లూ ప్రత్యేకతలూ ఇవే :
* ఫోన్‌ ఫ్రంట్‌ కెమెరా - ఫోన్‌ డిస్‌ ప్లే లోనే అంతర్భాగంగా ఉండే విధంగా.. ఇన్‌- డిస్‌ప్లే కెమెరా
* వీడియో తీసేటప్పుడు ఎవరు మాట్లాడుతుంటే వాళ్లని గుర్తించి కెమెరా వారినే ఫోకస్‌ చేసే - వాయిస్‌ ట్రాకింగ్‌ ఆటో ఫోకస్‌
* 120 డిగ్రీల కర్వ్‌డ్‌ డిస్‌ప్లే
* బటన్స్‌ పోర్టులూ లేని మొబైల్‌ ఇది!
* ఫొటోలో అనవసరమైన విషయాల్ని తొలగించే .. ఫొటో బాంబ్‌ రిమూవర్‌
* తీసే దృశ్యాల్లో ఏ విధమైన షేకింగ్‌ లేకుండా ఉండేందుకు గింబల్‌సాయం తీసుకునే గింబల్‌ స్టెబిలైజ్డ్ కెమెరా
* అత్యంత వేగవంతంగా ఫోన్‌ని వైర్‌లెస్‌ గా ఛార్జ్‌ చేసే 60W వైర్‌లెస్‌ ఛార్జింగ్‌
* క్వాలిటీ సౌండ్ అందించలేని రెగ్యులర్‌ ఫోన్‌ స్పీకర్ల స్థానంలో - స్క్రీన్‌నే స్పీకర్‌ గా మార్చే స్క్రీన్‌ సౌండ్ కాస్టింగ్‌ టెక్నాలజీ
గతంలో ఇన్‌ డిస్‌ప్లే ఫింగర్‌ ప్రింట్‌, పాపప్‌ కెమెరా లాంటి కొత్త ఫీచర్లని పరిచయం చేసిన వివో ఈ కొత్త ఎపెక్స్‌ 2020 తో మరిన్ని సంచలనాలు సృష్టిస్తుందని ఆశించవచ్చు.
Updated Date - 2020-03-01T01:11:38+05:30 IST