ఆ యాప్‌లో ఎందుకలా?
ABN, First Publish Date - 2020-02-08T05:30:10+05:30
ఐఆర్‌సీటీసీ అప్లికేషన్‌ వల్ల నాకు చాలా ఇబ్బంది అవుతోంది. లాగిన్‌ అయ్యాక ఓపెన్ అవ్వదు. వాలిడేటింగ్‌ అంటూ అలాగే ఉండిపోతుంది...
ఐఆర్‌సీటీసీ అప్లికేషన్‌ వల్ల నాకు చాలా ఇబ్బంది అవుతోంది. లాగిన్‌ అయ్యాక ఓపెన్ అవ్వదు. వాలిడేటింగ్‌ అంటూ అలాగే ఉండిపోతుంది. లేదంటే వైట్‌ స్ర్కీన్‌ వచ్చి మళ్లీ అప్లికేషన్‌ వచ్చేస్తుంది. ఎలా సాల్వ్‌ చేసుకోవాలో చెప్పండి?
- డా. ప్రసాద్‌
ఐఆర్‌సీటీసీ అప్లికేషన్‌ సర్వర్‌ మీద ఎక్కువగా లోడ్‌ ఉన్నప్పుడు మీరు ఎంటర్‌ చేసిన క్రెడెన్షియల్స్‌ని సర్వర్‌లో వాలిడేట్‌ చేసుకునే సమయంలో ఇలాంటి ఇబ్బంది ఏర్పడుతుంది. ముఖ్యంగా తత్కాల్‌ టికెట్‌ బుక్‌ చేసేటప్పుడు ఈ సమస్యను చాలామంది ఎదుర్కొంటున్నారు. రెండేళ్ల క్రితం ఐఆర్‌సీటీసీ సంస్థ సర్వర్‌ సామర్ధ్యాన్ని పెంచింది. అయినప్పటకీ ఎక్కువ లోడ్‌ను హ్యాండిల్‌ చేసే విషయంలో తరచూ ఇబ్బందులు ఏర్పడుతున్నాయి. అయితే సర్వర్‌ పరంగా ఉండే సాంకేతికమైన ఇబ్బందులకు మీరు చేయగలిగింది ఏమీ లేదు. ఆ సంస్థ ఇలాంటి ఇబ్బందులపై దృష్టి పెట్టాలి.
Updated Date - 2020-02-08T05:30:10+05:30 IST