కెమెరా ఫోకస్‌ కావాలంటే?
ABN, First Publish Date - 2020-11-07T05:30:00+05:30
నా ఫోన్లో కెమెరా సరిగ్గా ఫోకస్‌ అవటం లేదు. ముఖ్యంగా రాత్రి సమయాల్లో ఇబ్బందిగా ఉంటోంది, దీనికి కారణం...
నా ఫోన్లో కెమెరా సరిగ్గా ఫోకస్‌ అవటం లేదు. ముఖ్యంగా రాత్రి సమయాల్లో ఇబ్బందిగా ఉంటోంది, దీనికి కారణం తెలుపగలరు.
- ప్రవీణ్‌
సహజంగా కెమెరా ద్వారా ఒక దృశ్యాన్ని క్యాప్చర్‌ చేసేటప్పుడు సాధ్యమైనంత షార్ప్‌గా ఉన్నది వచ్చేలా ప్రయత్నించి ఫోకస్‌ లాక్‌ అవడాన్ని ఆటో-ఫోకస్‌ అంటారు. కెమెరా నుంచి మనం షూట్‌ చేసే సబ్జెక్ట్‌ ఎంత దూరంలో ఉంది అన్న విషయాన్ని బట్టి లెన్స్‌ ఆటో-ఫోకస్‌ లెవల్‌ మారుస్తూ ఉంటుంది. ఆటో-ఫోకస్‌లో మళ్లీ యాక్టివ్‌, పాసివ్‌ అని రెండు రకాలు ఉంటాయి. మామూలు కెమెరాల్లో యాక్టివ్‌ ఆటో-ఫోకస్‌ని ఉపయోగిస్తారు. ఖరీదైన ఎస్‌ఎల్‌ఆర్‌ కెమెరాల్లో పాసివ్‌ ఫోకస్‌ ఉపయోగిస్తారు. వాస్తవానికి ఆటో-ఫోకస్‌ ఎంత వేగంగా పనిచేస్తుంది అన్నది ఫోన్‌ ధర, అందులో పొందుపరచిన సెన్సార్‌ క్వాలిటీ మీద ఆధారపడి ఉంటుంది. అలాగే రాత్రి సమయాల్లో వెలుతురు తక్కువగా ఉన్నప్పుడు ఆటో-ఫోకస్‌ దాదాపు అన్ని ఫోన్లలో ఇబ్బంది అవుతూ ఉంటుంది. మనం షూట్‌ చేసే దృశ్యానికి సంబంధించి సరైన లైటింగ్‌ పిక్సెళ్లు లభించక పోవడమే దీనికి కారణం. లైటింగ్‌ పెంచుకోవడం తప్పించి దీనికి చేయగలిగీందేమీ లేదు.
Updated Date - 2020-11-07T05:30:00+05:30 IST