ఆరోగ్యసేతు యాప్ ప్రపంచ రికార్డు: అమితాబ్ కాంత్
ABN, First Publish Date - 2020-05-10T01:36:55+05:30
హెల్త్కేర్ అప్లికేషన్ల డౌన్లోడ్లలో కోవిడ్-19 ట్రాకింగ్ యాప్ ‘ఆరోగ్య సేతు’ ప్రపంచ రికార్డు సృష్టించినట్టు నీతి ఆయోగ్
న్యూఢిల్లీ: హెల్త్కేర్ అప్లికేషన్ల డౌన్లోడ్లలో కోవిడ్-19 ట్రాకింగ్ యాప్ ‘ఆరోగ్య సేతు’ ప్రపంచ రికార్డు సృష్టించినట్టు నీతి ఆయోగ్ సీఈవో అమితాబ్ కాంత్ తెలిపారు. మే నాలుగో తేదీ నాటికి దాదాపు 9 కోట్ల మంది యూజర్లు ఈ యాప్ను డౌన్లోడ్ చేసుకున్నట్టు చెప్పారు. ఓ హెల్త్కేర్ యాప్ ఇన్ని డౌన్లోడ్లు సాధించడం ప్రపంచంలోనే ఇది తొలిసారన్నారు.
కోవిడ్ మహమ్మారిపై పోరులో భాగంగా ప్రభుత్వ, ప్రైవేటు ఉద్యోగుల వద్ద ‘ఆరోగ్య సేతు’ తప్పకుండా ఉండాల్సిందేనని కేంద్రం ఇటీవల ఆదేశాలు జారీ చేసింది.
ఇదో అద్భుతమైన విషయమని, కోవిడ్-19పై పోరులో భాగంగా సాంకేతిక పరిజ్ఞాన్ని పెంచడంలో ప్రపంచంలోనే భారత్ ముందుందని అమితాబ్ కాంత్ ట్వీట్ చేశారు.
Updated Date - 2020-05-10T01:36:55+05:30 IST