తరానికి తగ్గట్టు ఆడే వాడిని
ABN, First Publish Date - 2020-07-06T08:48:09+05:30
భారత మాజీ కెప్టెన్‌, బీసీసీఐ అధ్యక్షుడు సౌరవ్‌ గంగూలీ టీ20 క్రికెట్‌కు మద్దతుగా మాట్లాడాడు. తాను ఈ రోజుల్లో గనక ఆడాల్సి వస్తే.. పొట్టి ...
కోల్‌కతా: భారత మాజీ కెప్టెన్‌, బీసీసీఐ అధ్యక్షుడు సౌరవ్‌ గంగూలీ టీ20 క్రికెట్‌కు మద్దతుగా మాట్లాడాడు. తాను ఈ రోజుల్లో గనక ఆడాల్సి వస్తే.. పొట్టి ఫార్మాట్‌కు తగ్గట్టుగా తనను తాను ఆవిష్కరించుకొనే వాడినని అన్నాడు. ‘టీ20లు ఎంతో కీలకం. ఇప్పటి తరంలో ఆడాల్సి వస్తే నా ఆటను కచ్చితంగా మార్చుకొనే వాడిని. ఎందుకంటే.. ఈ ఫార్మాట్‌లో ఇష్టం వచ్చినట్టు బాదొచ్చు’ అని బీసీసీఐ ట్విటర్‌ పేజీలో భారత టెస్ట్‌ ఆటగాడు మయాంక్‌ అగర్వాల్‌తో చిట్‌చాట్‌ సందర్భంగా ఓ అభిమాని అడిగిన ప్రశ్నకు దాదా ఇలా సమాధానమిచ్చాడు. టీ20 క్రికెట్‌ ఆడడం తనకు ఎంతో ఇష్టమన్నాడు. ఐపీఎల్‌ ఆడిన ఐదేళ్లపాటు పొట్టి ఫార్మాట్‌ను ఆస్వాదించానని చెప్పాడు.
Updated Date - 2020-07-06T08:48:09+05:30 IST