ఐఎస్‌ఎల్‌లో హైదరాబాద్‌కు రెండో డ్రా
ABN, First Publish Date - 2020-12-03T09:43:56+05:30
ఇండియన్‌ సూపర్‌ లీగ్‌ (ఐఎ్‌సఎల్‌) టోర్నీలో హైదరాబాద్‌ ఎఫ్‌సీ జట్టుకు రెండో డ్రా ఎదురైంది. గురువారం జంషెడ్‌పూర్‌ ఎఫ్‌సీ-హైదరాబాద్‌ జట్ల మధ్య జరిగిన మ్యాచ్‌ 1-1తో డ్రా ముగిసింది.
పనాజి: ఇండియన్‌ సూపర్‌ లీగ్‌ (ఐఎ్‌సఎల్‌) టోర్నీలో హైదరాబాద్‌ ఎఫ్‌సీ జట్టుకు రెండో డ్రా ఎదురైంది. గురువారం జంషెడ్‌పూర్‌ ఎఫ్‌సీ-హైదరాబాద్‌ జట్ల మధ్య జరిగిన మ్యాచ్‌ 1-1తో డ్రా ముగిసింది. ఇరు జట్లూ హోరాహోరీగా తలపడడంతో తొలి అర్ధభాగంలో ఒక్క గోల్‌ కూడా నమోదు కాలేదు. అయితే సెకండాఫ్‌ ప్రారంభంలోనే హైదరాబాద్‌ గోల్‌ చేసింది. 50వ నిమిషంలో అరిడనే సంతన మెరుపు గోల్‌తో హైదరాబాద్‌ 1-0తో ఆధిక్యంలో నిలిచింది. కాగా.. 85వ నిమిషంలో స్టీఫెన్‌ ఇజే గోల్‌తో జంషెడ్‌పూర్‌ 1-1తో స్కోరు సమం చేసింది. ఇక ఆట చివరిదాకా ఇరుజట్లూ మరో గోల్‌ చేయడంలో విఫలం కావడంతో మ్యాచ్‌ ఫలితం తేలలేదు.
Updated Date - 2020-12-03T09:43:56+05:30 IST