అజరెంకా అవుట్‌
ABN, First Publish Date - 2020-10-01T09:33:54+05:30
పునరాగమనాన్ని ఘనం గా చాటుతూ ఇటీవల యూఎస్‌ ఓపెన్‌లో ఫైనల్‌ చేరిన బెలారస్‌ టెన్నిస్‌ స్టార్‌ విక్టోరియా...
మూడో రౌండ్లో నడాల్‌, థీమ్‌, హలెప్‌
పారిస్‌: పునరాగమనాన్ని ఘనం గా చాటుతూ ఇటీవల యూఎస్‌ ఓపెన్‌లో ఫైనల్‌ చేరిన బెలారస్‌ టెన్నిస్‌ స్టార్‌ విక్టోరియా అజరెంకా ఫ్రెంచ్‌ ఓపెన్‌లో మాత్రం ఆ జోరు చూపలేకపోయింది. ఈ మాజీ వరల్డ్ నెంబర్‌వన్‌ రెండో రౌండ్లో అనామక క్రీడాకారిణి చేతిలో కంగుతిని టోర్నీ నుంచి నిష్క్రమించింది. బుధవారం జరిగిన మహిళల సింగిల్స్‌ పోరులో స్లోవేకియా అన్‌సీడెడ్‌ క్రీడాకారిణి అన్నా కరోలినా స్కిమిద్లోవా 2-6, 2-6తో పదోసీడ్‌ అజరెంకాను చిత్తుచేసి మూడోరౌండ్‌కు దూసుకెళ్లింది. గతంలో ఒక్కసారి కూడా గ్రాండ్‌స్లామ్‌ మ్యాచ్‌ నెగ్గని స్కిమిద్లోవా తొలిరౌండ్లో వెటరన్‌ స్టార్‌ వీనస్‌ విలియమ్స్‌కు షాకిచ్చిన సంగతి తెలిసిందే. మిగతా స్టార్‌ క్రీడాకారిణుల్లో టాప్‌సీడ్‌ హలెప్‌ 6-3, 6-4తో కమిలియా బెగుపై, మూడోసీడ్‌ స్విటోలినా 6-3, 0-6, 6-2తో జరజువాపై, ఐదోసీడ్‌ కికీ బెర్టెన్స్‌7-6, 3-6, 9-7తో సారా ఎరానిపై, 16వ సీడ్‌ మెర్టెన్స్‌ 6-4, 7-5తో కియా కనేపిపై, కెనడా బ్యూటీ ఎవ్‌గెనీ బౌచర్డ్‌ 5-7, 6-4, 6-3తో డారియా గవ్రిలోవాపై గెలిచి మూడోరౌండ్లో ప్రవేశించారు.
నడాల్‌ అలవోకగా..: స్పెయున్‌ బుల్‌ రఫెల్‌ నడాల్‌ సులువుగా రెండోరౌండ్‌ను అధిగమించాడు. నడాల్‌ 6-1, 6-0, 6-3తో మెకంజీ మెక్‌డొనాల్డ్‌పై గెలవగా.. మూడోసీడ్‌, యూఎస్‌ ఓపెన్ విజేత డొమినిక్‌ థీమ్‌ 6-1, 6-3, 7-6 (6)తో జాక్‌ సాక్‌పై, డీగో స్వార్జ్‌మన్‌ 6-1, 7-5, 6-0తో లొరెంజోపై, వావ్రింకా 6-3, 6-2, 3-6, 6-1తో కోఫెర్‌పై నెగ్గి మూడోరౌండ్లో అడుగుపెట్టారు. ఆరో సీడ్‌ జ్వెరెవ్‌ కూడా రెండోరౌండ్‌లో నెగ్గాడు.
Updated Date - 2020-10-01T09:33:54+05:30 IST