మహిళల టీ20 ప్రపంచకప్‌కు ముందు ఆసీస్‌కు భారీ షాక్
ABN, First Publish Date - 2020-02-20T23:17:29+05:30
ఐసీసీ మహిళల టీ20 ప్రపంచకప్‌కు ముందు ఆస్ట్రేలియా జట్టుకు గట్టి ఎదురుదెబ్బ తగిలింది.
సిడ్నీ: ఐసీసీ మహిళల టీ20 ప్రపంచకప్‌కు ముందు ఆస్ట్రేలియా జట్టుకు గట్టి ఎదురుదెబ్బ తగిలింది. గాయం కారణంగా ఆ జట్టు స్టార్ పేసర్ తయ్లా వ్లామింక్ టోర్నీ నుంచి తప్పుకుంది. ఈ విషయాన్ని క్రికెట్ ఆస్ట్రేలియా ప్రకటించింది. ఆమె స్థానంలో ఆఫ్ స్పిన్నర్ మాల్లీ స్ట్రోను జట్టుకు తీసుకున్నట్టు తెలిపింది. తయ్లా మళ్లీ జట్టులోకి తిరిగి వస్తుందని, భవిష్యత్తులో ఆస్ట్రేలియా తరపున కీలక పాత్ర పోషిస్తుందని జట్టు ప్రధాన కోచ్ మాథ్యూమాట్ తెలిపాడు. నిజానికి మెగా టోర్నీల్లో ఇలాంటి అత్యుత్తమ క్రికెటర్లను కోల్పోవాలని ఎవరూ కోరుకోరని అన్నాడు. ప్రపంచకప్‌లో భాగంగా రేపు (21న) ఆస్ట్రేలియా-భారత్ జట్ల మధ్య గ్రూప్-ఎలో తొలి మ్యాచ్ జరగనుంది.
Updated Date - 2020-02-20T23:17:29+05:30 IST