100 విజయాలు.. 250 క్యాచ్‌లు
ABN, First Publish Date - 2020-09-21T08:43:50+05:30
చెన్నై సూపర్‌ కింగ్స్‌ కెప్టెన్‌ ఎంఎస్‌ ధోనీ ఐపీఎల్‌లో అరుదైన రికార్డును తన ఖాతాలో వేసుకున్నాడు.
దుబాయ్‌: చెన్నై సూపర్‌ కింగ్స్‌ కెప్టెన్‌ ఎంఎస్‌ ధోనీ ఐపీఎల్‌లో అరుదైన రికార్డును తన ఖాతాలో వేసుకున్నాడు. శనివారం జరిగిన లీగ్‌ ఆరంభ మ్యాచ్‌లో ముంబైపై సీఎ్‌సకే నెగ్గిన విషయం తెలిసిందే. ధోనీ సారథ్యంలో చెన్నైకిది వందో విజయం. దీంతో లీగ్‌ చరిత్ర లో ఈ ఫీట్‌ సాధించిన తొలి కెప్టెన్‌గా ధోనీ నిలిచాడు. 437 రోజుల తర్వాత క్రికెట్‌ మైదానంలోకి అడుగుపెట్టినప్పటికీ.. తమ తొలి మ్యాచ్‌లో పరిస్థితులకు అనుగుణంగా ముందుగా బౌలర్లను, ఆ తర్వాత చేధనలో బ్యాటింగ్‌ ఆర్డర్‌ను మారుస్తూ చివరకు మ్యాచ్‌ను వశం చేసుకోగలిగాడు.
క్యాచ్‌ల్లోనూ...:
వికెట్ల వెనకాల అత్యంత చురుగ్గా ఉండే ఎంఎస్‌ టీ20 ఫార్మాట్‌లో 250 క్యాచ్‌లను అందుకున్న తొలి వికెట్‌ కీపర్‌గానూ నిలిచాడు. ముంబైతో జరిగిన మ్యాచ్‌లో అతను పొలార్డ్‌, క్రునాల్‌ క్యాచ్‌లను పట్టేశాడు.
Updated Date - 2020-09-21T08:43:50+05:30 IST