1. • Home » Prathyekam » scintist discovered a blackhole massive than the blackhole wich is located at the centre of the milkyway

ఒక్కరోజులో సూర్యుడినైనా మింగేయగల కృష్ణబిలం.. కనిపెట్టిన శాస్తవేత్తలు

విశ్వంలో మానవుడికి ఇంతవరకు అంతుచిక్కని విషయం కృష్ణబిలం. చిమ్మ చీకటితో నిండి ఉండి కనీసం..

ఇంటర్నెట్ డెస్క్: విశ్వంలో మానవుడికి ఇంతవరకు అంతుచిక్కని విషయం కృష్ణబిలం. చిమ్మ చీకటితో నిండి ఉండి కనీసం గుర్తించడానికి కూడా కష్టంగా ఉంటాయి ఇవి. అయితే కృష్ణబిలం మధ్యలో విపరీతమైన శక్తి విడుదలవుతూ ఉంటుంది. దానిని బట్టి ఆ కృష్ణబిలం శక్తిని అంచనావేస్తూ ఉంటారు శాస్త్రవేత్తలు. చుట్టుపక్కల ఉండే పదార్థాన్ని కృష్ణబిలాలు ఏ స్థాయిలో శోషణ చేసుకుంటున్నాయో కూడా దీని ద్వారానే తెలుసుకుంటారు. ఇదిలా ఉంటే ఇటీవల ఓ భారీ కృష్ణబిలంపై ఖగోళ శాస్త్రవేత్త ప్రొఫెసర్ క్రిస్టోఫర్ ఒన్‌కెన్ ఆధ్వర్యంలోని శాస్త్రవేత్తల బృందం పరిశోధనలు చేసింది. అందులో ఓ అరుదైన విషయాన్ని కనుగొంది.

జే2157 అనే కృష్ణబిలం విశ్వంలోనే అత్యంత వేగంగా పెరుగుతోందని, మన పాలపుంత కేంద్రంలో ఉన్న సూపర్‌మ్యాసివ్ కృష్ణబిలంకంటే ఇది 8వేల రెట్లు పెద్దదిగా ఉందని తెలిపింది. ఇది ప్రతి రోజూ దాదాపు మన సూర్యుడిని సమానమైన పదార్థాన్ని మింగేస్తోందని వెల్లడించింది. విశ్వంలో ఇంత పెద్దదైన కృష్ణబిలం మరొకటి ఉన్నట్లు ఇప్పటివరకు గుర్తించలేదని శాస్త్రవేత్తల బృందం వెల్లడించింది.