కరోనాపై యూట్యూబ్‌లో వీడియోలు.. ప్రతి 4లో 1 వీడియోలో అవాస్తవాలే..
ABN, First Publish Date - 2020-05-15T22:35:49+05:30
ప్రపంచాన్ని గజగజలాడిస్తున్న కరోనా మహమ్మారిపై తప్పుడు సమాచారం వ్యాప్తి చెందకుండా ప్రభుత్వాలు చర్యలు తీసుకుంటున్నాయి.
న్యూఢిల్లీ: ప్రపంచాన్ని గజగజలాడిస్తున్న కరోనా మహమ్మారిపై తప్పుడు సమాచారం వ్యాప్తి చెందకుండా ప్రభుత్వాలు చర్యలు తీసుకుంటున్నాయి. కరోనా కన్నా తప్పుడు సమాచారమే ఎక్కువ ప్రమాదకరమని ఓ పక్క ప్రపంచ ఆరోగ్య సంస్థ మొత్తుకుంటోంది. అయినాసరే కరోనాపై తప్పుడు వార్తలు ప్రచారం అవుతూనే ఉన్నాయి. చాలామంది దీనికోసం సోషల్ మీడియాను ఉపయోగించుకుంటున్నారు. ఈ క్రమంలో ప్రముఖ సోషల్ మీడియా ప్లాట్‌ఫాం యూట్యూబ్‌పై బీఎంజే అనే సంస్థ సర్వే చేసింది. దీనికోసం కరోనాపై ఇంగ్లీషు భాషలో వచ్చిన 69 వీడియోలను ఎంచుకున్నారు. వీటన్నింటికీ కలిపి 25కోట్లపైగా వ్యూస్ ఉన్నాయి. ఈ 69 వీడియోల్లో 19లో తప్పుడు సమాచారం ఉన్నట్లు పరిశోధకులు గుర్తించారు. ఈ 19 వీడియోలకు కలిపి 6.2కోట్లపైగా వ్యూస్ ఉన్నట్లు తెలిపారు. అంటే దాదాపు ప్రతి 4 వీడియోల్లో ఒకదానిలో తప్పుడు సమాచారం ఉన్నట్లు వారు పేర్కొన్నారు.
Updated Date - 2020-05-15T22:35:49+05:30 IST