షార్క్ దాడిలో 17ఏళ్ల యువకుడు మృతి!
ABN, First Publish Date - 2020-07-12T00:10:23+05:30
షార్క్ దాడి చేయడంతో 17ఏళ్ల యువకుడు మృతి చెందిన ఘటన శనివారం రోజు ఆస్ట్రేలియాలో చోటు చేసుకుంది. పూర్తి వివరాల్లోకి వెళితే.. బ్రిస్బేన్‌కు 3
సిడ్నీ: షార్క్ దాడిలో 17ఏళ్ల యువకుడు మృతి చెందిన ఘటన శనివారం రోజు ఆస్ట్రేలియాలో చోటు చేసుకుంది. పూర్తి వివరాల్లోకి వెళితే.. బ్రిస్బేన్‌కు 380కిలోమీటర్ల దూరంలో ఉన్న కాఫ్స్ హార్బర్ సమీపంలో ఓ 17ఏళ్ల యువకుడు సర్ఫింగ్ చేస్తున్నప్పుడు.. అతడిపై షార్క్ దాడి చేసింది. ఈ ప్రమాదంలో తీవ్రంగా గాయపడిన ఆ యువకుడిని తోటి సర్ఫర్లు ఒడ్డుకు తీసుకొచ్చి, ఆసుపత్రికి తరలించారు. అయితే షార్క్ దాడిలో తీవ్రంగా గాయపడిన సదరు యువకుడు.. చికిత్స పొందుతూ ప్రాణాలు కోల్పాయాడు. దీంతో ఈ ఘటనపై కేసు నమోదు చేసిన పోలీసులు దర్యాప్తు ప్రారంభించారు. అయితే ఈ ఘటనపై అప్రమత్తమైన పోలీసులు.. పరిసర ప్రాంతాల్లోని బీచ్‌లను మూసేశారు. కాగా.. షార్క్ దాడిలో మృతి చెందిన యువకుడి వివరాలను పోలీసులు వెల్లడించలేదు.
Updated Date - 2020-07-12T00:10:23+05:30 IST