వ్యాపారాన్ని కాపాడుకునేందుకు స్విస్‌ సంస్థ వినూత్న ప్రయత్నం
ABN, First Publish Date - 2020-04-06T12:55:21+05:30
కరోనా వైరస్‌ కల్లోలంతో ప్రపంచంలోని అన్ని రంగాలూ అతలాకుతలమయ్యాయి.
జెనీవా, ఏప్రిల్‌ 5: కరోనా వైరస్‌ కల్లోలంతో ప్రపంచంలోని అన్ని రంగాలూ అతలాకుతలమయ్యాయి. అందులో పర్యాటకం కూడా ఉంది. పర్యాటకులపైనే ప్రధానంగా ఆధారపడే స్విట్జర్లాండ్‌లో టూరిజం సంస్థలు కుదేలయ్యాయి. ఇక్కడ ఖరీదైన అపార్ట్‌మెంట్లు అద్దెకిచ్చే లి బొయ్‌జౌ అనే సంస్థ.. పర్యాటకులు లేక ఈగలు తోలుకుంటోంది. సంస్థకున్న 42 అపార్టుమెంట్లు ఖాళీగానే పడిఉన్నాయి. కరోనా భయంతో స్వీయ నిర్బంధంలో ఉండాలనుకునే వారి కోసం తాము ఫ్లాట్స్‌ అద్దెకిస్తామని పేర్కొంది. ఇంతకూ ఇక్కడ అద్దెలు ఎలా ఉన్నా యో తెలుసా..? పెద్ద అపార్ట్‌మెంట్‌లో ఒక రాత్రి ఉండేందుకు అద్దె రూ.39వేలు! తర్వాతి ప్రతి పగటికి రూ.62,500. ఇక రోజుకు రెండుసార్లు వైద్య పరీక్షలు లేదా 24గంటలూ ఆరోగ్య పర్యవేక్షణ కావాలంటే రూ.3.75 లక్షలు సమర్పించుకోవాల్సిందే.
Updated Date - 2020-04-06T12:55:21+05:30 IST