రష్యాలో గడిచిన 24 గంటల్లో 6 వేలకు పైగా కేసులు
ABN, First Publish Date - 2020-07-20T03:41:54+05:30
రష్యాలో గడిచిన 24 గంటల్లో 6,109 కరోనా కేసులు నమోదైనట్టు అక్కడి రెస్పాన్స్
మాస్కో: రష్యాలో గడిచిన 24 గంటల్లో 6,109 కరోనా కేసులు నమోదైనట్టు అక్కడి రెస్పాన్స్ సెంటర్ వెల్లడించింది. కొత్తగా నమోదైన కేసులతో మొత్తం కేసుల సంఖ్య 7,71,546కు చేరింది. 84 ప్రాంతాల నుంచి ఈ కేసులు బయటపడినట్టు రెస్పాన్స్ సెంటర్ పేర్కొంది. ఈ కేసుల్లో 1,514 మందిలో ఎటువంటి లక్షణాలు కనిపించలేదని తెలిపింది. రాజధాని మాస్కోలో అత్యధికంగా 591 కేసులు బయటపడినట్టు చెప్పింది. మరోపక్క గడిచిన 24 గంటల్లో కరోనా కారణంగా 95 మంది మృతిచెందారు. దీంతో మొత్తం మరణాల సంఖ్య 12,342కు చేరుకుంది. ఇక రష్యాలో ఇప్పటివరకు 550,344 మంది పూర్తిగా కోలుకున్నారు. రష్యా ప్రభుత్వం ఇప్పటివరకు 2.4 కోట్లకు పైగా పరీక్షలను నిర్వహించింది. కాగా.. ప్రపంచవ్యాప్తంగా అత్యధిక కరోనా కేసులు నమోదైన దేశాల జాబితాలో రష్యా నాలుగో స్థానంలో ఉంది. అమెరికా, బ్రెజిల్, ఇండియా అత్యధిక కరోనా కేసులు నమోదైన జాబితాలో మొదటి మూడు స్థానాల్లో నిలిచాయి. అమెరికా అయితే కేసుల విషయంలో ఎవరికి అందనంత ఎత్తులో ఉంది. అమెరికాలో ఇప్పటివరకు 38 లక్షలకు పైగా కేసులు నమోదయ్యాయి.
Updated Date - 2020-07-20T03:41:54+05:30 IST