3 కోట్లకు పైగా కరోనా పరీక్షలు నిర్వహించిన రష్యా
ABN, First Publish Date - 2020-08-23T05:23:44+05:30
రష్యా ప్రభుత్వం ఇప్పటివరకు 3 కోట్ల 40 లక్షల 10 వేల కరోనా పరీక్షలు నిర్వహించిందని అక్కడి ఆరోగ్యశాఖ వెల్లడించింది. గడిచిన 24 గంటల్లోనే దేశవ్యాప్తంగా 3,16,000
మాస్కో: రష్యా ప్రభుత్వం ఇప్పటివరకు 3 కోట్ల 40 లక్షల 10 వేల కరోనా పరీక్షలు నిర్వహించిందని అక్కడి ఆరోగ్యశాఖ వెల్లడించింది. గడిచిన 24 గంటల్లోనే దేశవ్యాప్తంగా 3,16,000 కరోనా పరీక్షలు చేసినట్టు పేర్కొంది. రష్యా జనాభా దాదాపు 15 కోట్లు ఉంటుంది. అంటే.. రష్యా ప్రభుత్వం ప్రతి పది లక్షల మందిలో 2.3 లక్షల మందికి కరోనా పరీక్షలు నిర్వహించినట్టు తెలుస్తోంది. 2,20,288 మంది ప్రస్తుతం మెడికల్ పర్యవేక్షణలో ఉన్నట్టు ఆరోగ్యశాక తెలిపింది. కాగా.. రష్యా వ్యాప్తంగా ఇప్పటివరకు 9,46,976 కరోనా కేసులు నమోదయ్యాయి. మరోపక్క దేశంలో ఇప్పటివరకు కరోనా బారిన పడి 16,189 మంది ప్రాణాలు కోల్పోయారు. ప్రపంచవ్యాప్తంగా అత్యధిక కరోనా కేసులు నమోదైన దేశాల జాబితాలో రష్యా నాలుగో స్థానంలో ఉంది. మొదటి మూడు స్థానాల్లో అమెరికా, బ్రెజిల్, ఇండియా దేశాలు నిలిచాయి. అమెరికా అయితే కేసులు, మరణాల విషయంలో ఏ దేశానికి అందనంత ఎత్తులో ఉంది.
Updated Date - 2020-08-23T05:23:44+05:30 IST