న్యూయార్క్ నగర వీధికి 'పంజాబ్ అవెన్యూ'గా నామకరణం !
ABN, First Publish Date - 2020-11-25T23:34:56+05:30
క్వీన్స్ బరోలోని రిచ్మండ్ హిల్ ప్రాంతానికి దక్షిణాసియా సమాజం అందించిన సహకారాన్ని గౌరవిస్తూ అక్కడి స్థానిక అధికారులు ఈ న్యూయార్క్ నగర వీధికి 'పంజాబ్ అవెన్యూ' అనే పేరు పెట్టారు.
న్యూయార్క్: క్వీన్స్ బరోలోని రిచ్మండ్ హిల్ ప్రాంతానికి దక్షిణాసియా సమాజం అందించిన సహకారాన్ని గౌరవిస్తూ అక్కడి స్థానిక అధికారులు ఈ న్యూయార్క్ నగర వీధికి 'పంజాబ్ అవెన్యూ' అనే పేరు పెట్టారు. పంజాబీలు అధికంగా ఉండి.. వ్యాపార కార్యాకలాపాలు నిర్వహించే ఈ ప్రాంతాన్ని ఇంతకుముందు 'లిటిల్ పంజాబ్'గా పిలిచేవారు. అలాగే ఈ ప్రాంతంలో రెండు గురుద్వారాలు కూడా ఉన్నాయి. దీంతో తాజాగా ఈ ప్రాంతాన్ని స్థానిక అధికారులు 'పంజాబ్ అవెన్యూ'గా నామకరణం చేశారు. ఈ నేపథ్యంలో ఈ ప్రాంతానికి చెందిన పలువురు నివాసితులు 'Punjab Av' పేరుతో ఉన్న బోర్డు ఫొటోలు, వీడియోను ట్వీట్ చేయడంతో అది కాస్తా వైరల్ అయింది. కాగా, ఈ వీధికి ఈ పేరు రావడం కోసం సిటీ కౌన్సిల్ సభ్యుడు అడ్రియన్ ఆడమ్స్ తీవ్రంగా ప్రయత్నించారని సీబీఎస్ న్యూయార్క్ నివేదిక పేర్కొంది.
Updated Date - 2020-11-25T23:34:56+05:30 IST