డల్లాస్లోని పోలీస్ సిబ్బందికి భోజనం ఏర్పాటు చేసిన నాట్స్
ABN, First Publish Date - 2020-06-19T02:19:25+05:30
అమెరికాలో కరోనాపై ముందుండి పోరాడుతున్న వారిని ప్రోత్సాహించేందుకు.. ఉత్తర అమెరికా తెలుగుసంఘం (నాట్స్) తన వంతు ప్రయత్నాలు చేస్తోంది. తాజాగా నాట్స్ డల్లాస్
డల్లాస్: అమెరికాలో కరోనాపై ముందుండి పోరాడుతున్న వారిని ప్రోత్సాహించేందుకు.. ఉత్తర అమెరికా తెలుగుసంఘం (నాట్స్) తన వంతు ప్రయత్నాలు చేస్తోంది. తాజాగా నాట్స్ డల్లాస్ విభాగం.. నార్త్ రిచర్డ్ హిల్స్ పోలీస్ సిబ్బందికి భోజనం ఏర్పాటు చేసి, వారి సేవలను ప్రత్యేకంగా అభినందించింది. నాట్స్ ఉపాధ్యక్షుడు బాపు నూతి చొరవతో స్థానికంగా ఉండే 50 మంది పోలీస్ సిబ్బందికి.. నాట్స్ మధ్యాహ్న భోజనం ఏర్పాటు చేసింది. నాట్స్ సభ్యులే స్వయంగా వెళ్లి.. సిద్ధం చేసిన ఆహారాన్ని స్థానిక పోలీస్ స్టేషన్లో అందించారు. నాట్స్ చేసే సేవా కార్యక్రమాల గురించి గత పదేళ్లుగా స్థానిక పోలీసు అధికారులకు బాపు నూతి వివరిస్తున్నారు. ఈ అనుబంధంతోనే నాట్స్ ఏర్పాటు చేసిన విందుకు పోలీసులు అనుమతించారు. ఈ నేపథ్యంలో పోలీస్ సిబ్బందిని ప్రోత్సహించేందుకు ఇలాంటి కార్యక్రమం చేపట్టడం అభినందనీయమని నార్త్ రిచర్డ్ హిల్స్ పోలీస్ చీఫ్ జిమ్మీ పర్డ్యూ అన్నారు. నాట్స్ సభ్యులను ఆయన ప్రశంసించారు. ఈ కార్యక్రమంలో నాట్స్ నాయకులు రాజేంద్ర మాదల, ప్రసాద్ డి వి, కవిత దొడ్డ, శ్రీధర్ న్యాలమడుగుల , శ్రీనివాస్ పాటిబండ్ల , యూత్ వాలంటీర్లు మనోజ్ఞ, రేహాన్ తదితరులు పాల్గొన్నారు. కరోనాపై ముందుండి పోరాడే వారిని ప్రోత్సహించేందుకు మరిన్ని కార్యక్రమాలు చేపట్టనున్నట్లు నాట్స్ బోర్డ్ ఛైర్మన్ శ్రీథర్ అప్పసాని, నాట్స్ ప్రెసిడెంట్ శ్రీనివాస్ మంచికలపూడి తెలిపారు. నాట్స్ డల్లాస్ విభాగం ఈ విషయంలో చూపుతున్న చొరవను వారు ప్రశంసించారు.
Updated Date - 2020-06-19T02:19:25+05:30 IST