కువైట్‌లో పాక్ నటుడికి రెండేళ్ల జైలు.. దేశ బహిష్కరణ !
ABN, First Publish Date - 2020-09-18T15:20:21+05:30
పాకిస్తాన్‌కు చెందిన నటుడు ఫర్హాన్ అల్ అలీ అనైతిక చర్యకు పాల్పడినందుకు కువైట్ క్రిమినల్ కోర్టు రెండేళ్ల జైలు శిక్ష, వెయ్యి కువైటీ దినార్స్(రూ. 2 లక్షల 40వేలు) జరిమానా విధించింది.
కువైట్ సిటీ: పాకిస్తాన్‌కు చెందిన నటుడు ఫర్హాన్ అల్ అలీ అనైతిక చర్యకు పాల్పడినందుకు కువైట్ క్రిమినల్ కోర్టు రెండేళ్ల జైలు శిక్ష, వెయ్యి కువైటీ దినార్స్(రూ. 2 లక్షల 40వేలు) జరిమానా విధించింది. అలాగే శిక్షకాలం పూర్తైన వెంటనే దేశం విడిచిపెట్టి వెళ్లిపోవాలని ఆదేశించింది. కాగా, పలు కువైటి టీవీ సీరియల్స్, స్టేజ్ షోలలో నటించిన అలీ కువైట్‌లో మంచి ఫాలోయింగ్ ఏర్పరుచుకున్నాడు. ఈ క్రమంలో జూన్ నెలలో తన స్నాప్‌చాట్ ఖాతాలోని ఓ వీడియోలో నగ్నంగా కనిపించాడు. దీంతో ప్రజా మర్యాదను ఉల్లంఘించినందుకు కువైట్ కోర్టు అలీకి శిక్షను ఖరారు చేసింది. అయితే, ఆ సమయంలో తన స్నాప్‌చాట్ హ్యాక్ చేయబడిందని అతను పేర్కొన్నాడు.
Updated Date - 2020-09-18T15:20:21+05:30 IST