కరోనా కల్లోలం.. భారతీయ విద్యార్థులను ఆదుకునేందుకు ముందుకొచ్చిన ‘తానా’
ABN, First Publish Date - 2020-03-15T02:00:46+05:30
కరోనా (కొవిడ్-19) వైరస్.. ప్రపంచాన్ని వణికిస్తోంది. అగ్రరాజ్యమైన అమెరికాలో కూడా కరోనా విజృంభిస్తోంది. మహమ్మారి కారణంగా అమెరికాలో ఇప్పటికే దాదాపు 50 మంది మరణించగా.. సుమారు 23
న్యూయార్క్: కరోనా (కొవిడ్-19) వైరస్.. ప్రపంచాన్ని వణికిస్తోంది. అగ్రరాజ్యమైన అమెరికాలో కూడా కరోనా విజృంభిస్తోంది. మహమ్మారి కారణంగా అమెరికాలో ఇప్పటికే దాదాపు 50 మంది మరణించగా.. సుమారు 2329 మంది కొవిడ్-19 బారిన పడ్డారు. దీంతో అక్కడి ప్రభుత్వం నేషనల్ ఎమర్జెన్సీని విధించింది. ఇందులో భాగంగా కాలేజీలు, యూనివర్సిటీలను తాత్కాలికంగా మూసేయాల్సిందిగా అధికారులు అదేశాలు జారీ చేశారు. దీంతో అమెరికాలో చదువుకుంటున్న భారతీయ విద్యార్థులు గందరగోళానికి గురవుతున్నారు. ఈ నేపథ్యంలో అమెరికాలోని భారతీయ విద్యార్థులను ఆదుకోవడానికి తానా (ఉత్తర అమెరికా తెలుగు సంఘం) ముందుకొచ్చింది. కాలేజీలు, యూనివర్సిటీలు మూతపడటం వల్ల ఇబ్బందులకు గురయ్యే భారతీయ విద్యార్థులకు వసతి కల్పిస్తామని ప్రకటించింది. ఇందుకోసం 1-855-OUR-TANA హెల్ప్‌లైన్ నెంబర్‌కు ఫోన్ చేయాలని సూచించింది.
Updated Date - 2020-03-15T02:00:46+05:30 IST