అమెరికాలో మరో ఘోరం... తుపాకి తూటాలకు ఏడేళ్ల చిన్నారి బలి
ABN, First Publish Date - 2020-08-31T22:57:46+05:30
అమెరికాలో గన్ వయిలెన్స్ విపరీతంగా పెరిగిపోతోంది. ఇండియానా రాష్ట్రంలో తుపాకీ తూటాలకు అభం శుభం తెలియని ఏడేళ్ల బాలిక ప్రాణాలు కోల్పోయింది. పూర్తి వివరాల్లోకి వెళ్తే.. సౌత్ బెండ్ ప్రాంతంలోని స్నేహితుని పుట్టినరోజు వేడుకలకు శనివారం బాలిక వెళ్లింది.
సౌత్ బెండ్, ఇండియానా: అమెరికాలో గన్ వయిలెన్స్ విపరీతంగా పెరిగిపోతోంది. ఇండియానా రాష్ట్రంలో తుపాకీ తూటాలకు అభం శుభం తెలియని ఏడేళ్ల బాలిక ప్రాణాలు కోల్పోయింది. పూర్తి వివరాల్లోకి వెళ్తే.. సౌత్ బెండ్ ప్రాంతంలోని స్నేహితుని పుట్టినరోజు వేడుకలకు శనివారం బాలిక వెళ్లింది. తన స్నేహితులతో కలిసి ఇంటి బయట బాలిక ఆడుకుంటుండగా.. దుండగులు కారులో వెళ్తూ బాలికపై కాల్పులు జరిపారు. వెంటనే బాలికను ఆసుపత్రికి తీసుకెళ్లగా.. చికిత్స పొందుతూ బాలిక మృతిచెందింది. చాలా మంది పిల్లలు ఆడుకుంటున్నప్పటికి.. కారులో వెళ్తూ దుండగులు ఒక్క బాలికపైనే కాల్పులు జరిపినట్టు అక్కడున్న వారు చెబుతున్నారు. ఇదిలా ఉంటే.. అమెరికాలో ఇటీవల జార్జ్ ఫ్లాయిడ్ అనే నల్ల జాతీయుడు హత్యకు గురయ్యాడు. అప్పటి నుంచి అమెరికా వ్యాప్తంగా బ్లాక్ లివ్స్ మేటర్ పేరిట అనేక ఉద్యమాలు జరుగుతున్నాయి. అయితే ఈ ఉద్యమాల నేపథ్యంలో అమెరికాలో గన్ వయిలెన్స్ కూడా విపరీతంగా పెరుగుతున్నట్టు తెలుస్తోంది.
Updated Date - 2020-08-31T22:57:46+05:30 IST