మొక్కలు పెంచుతున్నారా?
ABN, First Publish Date - 2020-08-03T07:42:05+05:30
వర్షాకాలంలో ఇంటి గార్డెన్‌ నిర్వహణ కష్టంగా అనిపిస్తుంది. కారణం వాననీళ్లు మొక్కల కుండీల్లో నిలిచిపోవడం, రకరకాల ఇన్‌ఫెక్షన్లు
వర్షాకాలంలో ఇంటి గార్డెన్‌ నిర్వహణ కష్టంగా అనిపిస్తుంది. కారణం వాననీళ్లు మొక్కల కుండీల్లో నిలిచిపోవడం, రకరకాల ఇన్‌ఫెక్షన్లు వంటివి ఆందోళన పెంచుతాయి. అయితే ఈ జాగ్రత్తలు పాటిస్తే మొక్కల పెంపకం అంత కష్టమేమి కాదు.
అవేమిటంటే...
- మొక్కల కుండీలను వాననీళ్లు పడే చోట ఉంచకూడదు. వాన నీళ్లు నిలవడం వల్ల దోమలు, ఇతర కీటకాల బెడద ఎక్కువయ్యే అవకాశముంది. అందుచేత సూర్యరశ్మి పడే చోట కుండీలను పెట్టండి. మొక్కలకు సరిపోనూ నీళ్లు పోయండి
- ఒక్కోసారి కుండీలోని పైమట్టి తెట్టులా మరి నీళ్లు కిందకు తొందరగా ఇంకవు. అలాంటప్పుడు చిన్న కర్రముక్క తీసుకొని పై మట్టి, కింది మట్టిని మిక్స్‌ చేసినట్టు కలపండి. దాంతో మట్టి మధ్య ఖాళీ ఏర్పడి నీరు వేళ్ల భాగానికి తొందరగా చేరుతుంది.
- అలానే మొక్కల ఆకులు, పువ్వుల మీద ఆహారం కోసం పురుగులు, కీటకాలు చేరుతున్నాయేమో గమనించండి. కీటకాలు ఏమైనా కనిపిస్తే వాటిని వెంటనే తొలగించండి.
- ఈ సీజన్‌లో వేసవిలో మాదిరి తరచూ మొక్కలకు నీళ్లు పోయకూడదు. మొక్క ఎక్కువ నీళ్లు పీల్చుకుంటే వాడిపోయే అవకాశముంది. కాబట్టి కుండీలోని మట్టి పొడిగా అనిపించినప్పుడు మాత్రమే నీళ్లు పోయండి.
- చిన్న మొక్కలు, తీగజాతి మొక్కలు గాలులు, వర్షానికి తొందరగా దెబ్బతింటాయు. అందుకే వాటి విషయంలో మరింత జాగ్రత్త అవసరం.
Updated Date - 2020-08-03T07:42:05+05:30 IST