20 నిమిషాల్లో టొమాటో రైస్‌!
ABN, First Publish Date - 2020-04-02T06:03:03+05:30
కొంచెం రైస్‌, మూడు టొమాటోలు, కొన్ని పోపు గింజలు, ఒక వంట పాత్ర ఉంటే చాలు.. 20 నిమిషాల్లో ఇట్టే రుచికరమైన టొమాటో రైస్‌ను చేసుకోని తినొచ్చు.
కొంచెం రైస్‌, మూడు టొమాటోలు, కొన్ని పోపు గింజలు, ఒక వంట పాత్ర ఉంటే చాలు.. 20 నిమిషాల్లో ఇట్టే రుచికరమైన టొమాటో రైస్‌ను చేసుకోని తినొచ్చు.
కావలసిన పదార్థాలు
రైస్‌ - 1 1/2 కప్పు, టొమాటోలు - 3, నూనె/నెయ్యి - 2 టేబుల్‌ స్పూన్లు, ఉల్లిపాయ - 1, కూరమిరప - 1, అల్లం వెల్లుల్లి పేస్ట్‌ - కొంచెం, ఉప్పు, పసుపు, కారం - తగినంత
తయారుచేసే విధానం
ముందుగా రైస్‌ను బాగా కడిగి వండి ఉంచుకోవాలి. స్టవ్‌ మీద పాత్రను పెట్టి నూనె వేయాలి. నూనె వేడెక్కాక లవంగాలు, దాల్చిన చెక్క, మిరియాలు వేగాక తరిగిపెట్టుకున్న కరివేపాకు, ఉల్లి, పచ్చిమిరప ముక్కలు వేసుకోవాలి. దానికి అల్లం వెల్లుల్లి పేస్ట్‌ కలుపుకొని సువాసన వచ్చేదాక వేగించాలి. టొమాటో ముక్కలు, పసుపు వేసి మూతపెట్టి, టొమాటో ముక్కలు మొత్తగా అయ్యేదాకా ఉడికించాలి. దానికి తగినంత కారం, ఉప్పు, పసుపు వేసి, అన్నం కలిపి మూతపెట్టి సన్నమంట మీద నీళ్లు ఇగిరిపోయేదాకా ఉంచాలి. తర్వాత కొత్తిమీర చల్లుకొని, నిమ్మరసం కలిపితే వేడివేడి టొమాటో రైస్‌ రెడీ.
Updated Date - 2020-04-02T06:03:03+05:30 IST