సరికొత్తగా టక్సన్‌
ABN, First Publish Date - 2020-07-15T05:30:00+05:30
ప్రముఖ కార్ల కంపెనీ హ్యుండాయ్‌ ఇప్పుడు ఫేస్‌లిఫ్ట్‌ వెర్షన్స్‌తో బిజీగా ఉంది. ఆ కోవలోనే తాజాగా తమ ‘టక్సన్‌’కు మరిన్ని హంగులద్ది ఫేస్‌లిఫ్ట్‌గా మార్కెట్‌లోకి విడుదల చేసింది...
ప్రముఖ కార్ల కంపెనీ హ్యుండాయ్‌ ఇప్పుడు ఫేస్‌లిఫ్ట్‌ వెర్షన్స్‌తో బిజీగా ఉంది. ఆ కోవలోనే తాజాగా తమ ‘టక్సన్‌’కు మరిన్ని హంగులద్ది ఫేస్‌లిఫ్ట్‌గా మార్కెట్‌లోకి విడుదల చేసింది. ఈ ఏడాదిలో ఇప్పటికే ‘వెర్నా, క్రెటా, ఔరా’లకు ఫేస్‌లిఫ్ట్‌ వెర్షన్లను తెచ్చింది హ్యుండాయ్‌.
విశేషాలెన్నో...
- ‘టక్సన్‌’తో పోలిస్తే ఈ ఫేస్‌లిఫ్ట్‌ మోడల్‌ ఎక్స్‌టీరియర్స్‌ కాస్త భిన్నంగా ఉంటాయి.
- షార్ప్‌ కాస్కేడింగ్‌ గ్రిల్‌, ఎల్‌ఈడీ హెడ్‌ ల్యాంప్స్‌, షార్పర్‌ బంపర్స్‌, డ్యూయల్‌ టోన్‌ అల్లాయ్‌ వీల్స్‌, టెయిల్‌ ల్యాంప్స్‌ వంటి వాటితో నయా లుక్‌ సంతరించుకుంది.
- ఇంటీరియర్స్‌లో చూడగానే ఆకట్టుకొనేది టచ్‌ స్ర్కీన్‌ ఇన్ఫోటైన్‌మెంట్‌ సిస్టమ్‌. 8 అంగుళాల డిస్‌ప్లేతో పాటు ఆండ్రాయిడ్‌ ఆటో, యాపిల్‌కార్‌ ప్లే, కీలెస్‌ ఎంట్రీ తదితర ఫీచర్లు ఆకర్షణీయంగా ఉంటాయి.
- వైర్‌లెస్‌ ఫోన్‌ చార్జర్‌, రెయిన్‌ సెన్సింగ్‌ వైపర్స్‌, డ్యూయల్‌ జోన్‌ క్లైమేట్‌ కంట్రోల్‌, ఆటో హెడ్‌ల్యాంప్స్‌, పవర్డ్‌ ఫ్రంట్‌ సీట్స్‌ మరో ప్రత్యేకత. ఈ సీట్లను ఎనిమిది రకాలుగా మార్చుకోవచ్చు.
- భద్రతకు అధిక ప్రాధాన్యమిస్తూ ఆరు ఎయిర్‌ బ్యాగ్‌లు, ఎలక్ర్టిక్‌ పార్కింగ్‌ బ్రేక్‌ వంటివి అమర్చారు.
- బీఎస్‌-6 ఇంజిన్‌. 2.0 లీటర్‌ డీజిల్‌, పెట్రోల్‌ వెర్షన్లు ఉన్నాయి.
‘టక్సన్‌’ ఫేస్‌లిఫ్ట్‌
ప్రత్యేకతలు: పెట్రోలు, డీజిల్‌ వెర్షన్లలో లభిస్తోంది. 6-స్పీడ్‌ (పెట్రోలు) 8-స్పీడ్‌ (డీజిల్‌ ) ఆటోమేటిక్‌ ట్రాన్సిమిషన్‌.
ధర: రూ.18.76 లక్షల నుంచి 26.97 లక్షలు
Updated Date - 2020-07-15T05:30:00+05:30 IST