ఫర్నిచర్‌ శుభ్రత కోసం...
ABN, First Publish Date - 2020-06-04T05:30:00+05:30
కరోనా వైరస్‌ నియంత్రణలో భాగంగా ఇంట్లోని బల్లలు, తలపు గడియలు, స్విచ్‌లు, నల్లాలను కూడా క్రిమిరహితం చేయడం మరచిపోవద్దు...
కరోనా వైరస్‌ నియంత్రణలో భాగంగా ఇంట్లోని బల్లలు, తలపు గడియలు, స్విచ్‌లు, నల్లాలను కూడా క్రిమిరహితం చేయడం మరచిపోవద్దు.
- ముందుగా చేతులకు డిస్పోజబుల్‌ లేదా ఉతికి తిరిగి ఉపయోగించే చేతితొడుగులు ధరించండి.
- పరుపులు, సోఫాల మీది వస్త్రం తొందరగా రంగు మారదు. కాబట్టి వాటిని సబ్బుతో శుభ్రం చేస్తే సరిపోతుంది.
- ఒకటికి రెండొంతలు చొప్పున 60శాతం ఐసోప్రొపైల్‌ ఆల్కహాల్‌, 90 శాతం నీళ్లతో శానిటైజర్‌ తయారుచేయండి. లేదంటే లీటరు నీళ్లలో 7గ్రా.ల బ్లీజింగ్‌ పౌడర్‌ వేసి క్రిమిసంహారికని తయారు చేసుకోవచ్చు.
- ఆ ద్రావణాన్ని ఫర్నిచర్‌, లోహంతో తయారైన తలుపు గడియలు, సెక్యూరిటీ లాక్స్‌ వంటి వాటిమీద స్ర్పే చేయండి. వస్త్రంతో తుడిచేయకుండా అలాగే ఆరనివ్వండి
- డిజ్‌ఇన్‌ఫెక్టెంట్‌లో ముంచిన వస్త్రంతో బల్లల మీద, వాటి మూలల చుట్టూ తుడవండి. అయితే ఎక్కువ కోటింగ్‌ ఫినిషింగ్‌ ఉన్న సామగ్రి పాడవకుండా జాగ్రత్తలు తీసుకోండి.
- కదిలించడానికి వీలున్న ఫర్నిచర్‌ను కాసేపు ఎండలో ఉంచండి. దాంతో వాటి నుంచి వచ్చే చెడు వాసన పోతుంది.
- ఇంట్లో ఎవరికైనా అనారోగ్యంగా ఉంటే తరచుగా శానిటైజర్‌తో వస్తువులను శుభ్రం చేయాల్సి ఉంటుంది.
- ఫర్నిచర్‌ మొత్తం శుభ్రం చేయడం అయ్యాక గ్లౌజులు తీసేయ్యండి. చేతుల్ని సబ్బుతో 20 సెకన్ల పాటు కడుక్కోండి.
Updated Date - 2020-06-04T05:30:00+05:30 IST