పది నిమిషాల్లో... పాల అటుకులు!
ABN, First Publish Date - 2020-04-06T06:32:43+05:30
వంటకు సమయం చిక్కకపోయినా, ఇంట్లో సరుకులు నిండుకున్నా.. సందర్భం ఏదైనా సింపుల్‌గా పాల అటుకులతో ఆ పూటకు లాగించేయవచ్చు. పాల అటుకులు రుచికరంగా ఉండడమే కాదు వేసవిలో...
వంటకు సమయం చిక్కకపోయినా, ఇంట్లో సరుకులు నిండుకున్నా.. సందర్భం ఏదైనా సింపుల్‌గా పాల అటుకులతో ఆ పూటకు లాగించేయవచ్చు. పాల అటుకులు రుచికరంగా ఉండడమే కాదు వేసవిలో ఆరోగ్యానికి మంచిది కూడా! పది నిమిషాల్లో పాల అటుకులను వండుకోవచ్చు.
కావలసిన పదార్థాలు:
- అటుకులు - కప్పు
- బాదం పప్పులు - 8
- పిస్తా పప్పులు - 8
- ఖర్జూరాలు - 4
- బెల్లం - రుచికి తగినంత
- పాలు - కప్పు
తయారుచేసే విధానం: ముందు శుభ్రంగా కడిగి ఆరబెట్టి ఉంచుకున్న అటుకులను ఒక పాత్రలో వేసుకోవాలి. బాదం, పిస్తా, ఖర్జూరాలను ముక్కలుగా తరిగి అందులో కలుపుకోవాలి. ఖర్జూరాలు లేదా బెల్లం ముక్క వేసుకోవాలి. ఇప్పుడు వేడి వేడి పాలు పోసి అటుకుల మిశ్రమాన్ని నానబెట్టాలి. ఐదు నిమిషాలు ఆగి రుచికరమైన పాల అటుకులను ప్లేట్‌లో వడ్డించుకొని తినడమే తరువాయి.
Updated Date - 2020-04-06T06:32:43+05:30 IST