చిన్నారి శ్రావ్యకు ట్రంప్‌ అభినందన
ABN, First Publish Date - 2020-05-19T07:52:48+05:30
అమెరికాలో కరోనా రోగులకు ఉడతాభక్తిగా సాయం చేసిన పదేళ్ల శ్రావ్య అన్నపరెడ్డిని ఆ దేశ అధ్యక్షుడు డొనాల్డ్‌ ట్రంప్‌ అభినందించారు. శ్రావ్య తల్లిదండ్రులు ఏపీకి చెందిన వాళ్లే. కొవిడ్‌ నియంత్రణ చర్యల్లో మునిగి ఉన్న అగ్నిమాపక సిబ్బందికి...
వాషింగ్టన్‌, మే 18: అమెరికాలో కరోనా రోగులకు ఉడతాభక్తిగా సాయం చేసిన పదేళ్ల శ్రావ్య అన్నపరెడ్డిని ఆ దేశ అధ్యక్షుడు డొనాల్డ్‌ ట్రంప్‌ అభినందించారు. శ్రావ్య తల్లిదండ్రులు ఏపీకి చెందిన వాళ్లే. కొవిడ్‌ నియంత్రణ చర్యల్లో మునిగి ఉన్న అగ్నిమాపక సిబ్బందికి, నర్సులకు ఈ చిన్నారి కుకీస్‌ పంచి పెట్టింది. ఆరోగ్య కార్యకర్తలను అభినందిస్తూ, వారికి గ్రీటింగ్‌ కార్డులు అందించింది. మేరీల్యాండ్‌లోని హానొవర్‌ హిల్స్‌ ఎలిమెంటరీ స్కూలులో శ్రావ్య నాలుగో తరగతి చదువుతోంది. ఈ స్కూలులోని అమ్మాయిల స్కౌట్స్‌ ట్రూప్‌లో భాగమై, కరోనాపై పోరులో చురుగ్గా పాల్గొంటోంది. తమ శక్తి, వెసులుబాటు, ఆసక్తి మేరకు ఈ పోరాటాన్ని కొనసాగిస్తున్న వారందరినీ అధ్యక్షుడు ట్రంప్‌, ప్రఽథమ మహిళ మెలానియా గుర్తు చేసుకొన్నారు. శ్రావ్య సహా పలువురిని ఈ సందర్భంగా వారు ఘనంగా సత్కరించారు. ఈ మేరకు ‘ద వాషింగ్టన్‌ టైమ్స్‌’ ఓ కథనం ప్రచురించింది.
Updated Date - 2020-05-19T07:52:48+05:30 IST