చురుకైన చేప స్వోర్డ్‌ ఫిష్‌!
ABN, First Publish Date - 2020-08-19T05:30:00+05:30
ఈ చేప ముందు భాగంలో పొడవైన, పదునైన నిర్మాణం ఉంటుంది. ఇది కత్తిని పోలి ఉంటుంది. అందుకే ఈ చేపకు స్వోర్డ్‌ ఫిష్‌ అని పేరు...
ఈ చేప ముందు భాగంలో పొడవైన, పదునైన నిర్మాణం ఉంటుంది. ఇది కత్తిని పోలి ఉంటుంది. అందుకే ఈ చేపకు స్వోర్డ్‌ ఫిష్‌ అని పేరు. సముద్రజలాల్లో అతివేగంగా కదిలే చేపల్లో ఒకటిగా దీనికి గుర్తింపు ఉంది.
- స్వోర్డ్‌ ఫిష్‌ ఇతర చేపలతో కలిసి జీవించదు. ఒంటరిగా ఉండటానికి ఇష్టపడుతుంది. ఈ చేప కళ్ల దగ్గర ప్రత్యేక అవయవం ఉంటుంది. ఇది చల్లటి నీటిలో ఉన్నప్పుడు కళ్లు, మెదడును వెచ్చగా ఉంచేందుకు సహాయపడుతుంది. ఇతర చేపల వలే దీనికి పొలుసులు ఉండవు.
- ఈ చేప పదిహేను అడుగుల వరకు పొడవు పెరుగుతుంది. ఇది ఇతర చిన్న చేపలను ఆహారంగా తీసుకుంటుంది.
- ఇది ఎక్కువగా హిందు మహాసముద్రంలో, పసిఫిక్‌, అట్లాంటిక్‌ జలాల్లోనూ కనిపిస్తుంది. నీళ్లు మరీ చల్లగా ఉండని ప్రదేశాల్లో ఉంటుంది. వేసవిలో వెచ్చటి నీళ్లలో, చలికాలంలో చల్లటి నీటిలో ఉండటానికి ఇష్టపడుతుంది.
- సముద్ర జలాల్లో లోతైన ప్రాంతాల్లో ఎక్కువగా ఉంటుంది. 550 మీటర్ల లోతు వరకు వెళుతుంది. ఈ చేపను ఆహారంగా తీసుకుంటారు. 450 కేజీల వరకు స్వోర్డ్‌ ఫిష్‌ బరువు ఉంటుంది.
Updated Date - 2020-08-19T05:30:00+05:30 IST