ఎలుగుబంటిని చేద్దామా!
ABN, First Publish Date - 2020-05-23T05:30:00+05:30
టాయిలెట్‌ పేపర్‌ రోల్, ఫోమ్‌ షీట్‌తో ఎలుగు బంటి బోమ్మ తయారీ...
కావలసినవి
- టాయిలెట్‌ పేపర్‌ రోల్
- బ్రౌన్‌ కలర్‌ ఫోమ్‌ షీట్‌
- పింక్‌ ఫోమ్‌ షీట్‌
- గూగ్లీ కళ్లు
- జిగురు
- కత్తెర.
తయారీ
- టాయిలెట్‌ పేపర్‌ రోల్ చుట్టూ కవర్‌ అయ్యేలా బ్రౌన్‌ కలర్‌ ఫోమ్‌ షీట్‌ను కట్‌ చేసుకోవాలి. తరువాత జిగురు సహాయంతో అతికించాలి.
- పింక్‌ ఫోమ్‌ షీట్‌తో రెండు హార్ట్ షేపులు కట్‌ చేయాలి. ఒకటి కాస్త పెద్దగా ఉండాలి. మరొకటి చిన్నగా ఉండాలి.
- చిన్నగా ఉన్న హార్ట్‌షేప్‌ ముక్కు భాగంలో అతికించాలి. పెద్దది బేర్‌ చేతుల్లో ఉండే విధంగా అతికించాలి.
- ఇప్పుడు బ్రౌన్‌ ఫోమ్‌ షీట్‌ తీసుకొని బేర్‌ తల, చేతులు, కాళ్లు డ్రా చేసి, కట్‌ చేయాలి. పింక్‌ షీట్‌ను రెండు చిన్న వృత్తాలుగా కట్‌ చేసి, కాళ్లపై అతికించాలి. తల, చేతులు, కాళ్లను పేపర్‌ రోల్‌కు అతికించాలి.
- గూగ్లీ కళ్లను అతికించాలి. బ్లాక్‌ స్కెచ్‌ సహాయంతో నోరు గీయాలి. అంతే... ఎలుగుబంటి బొమ్మ రెడీ.
Updated Date - 2020-05-23T05:30:00+05:30 IST