అట్టతో... సాలీడు
ABN, First Publish Date - 2020-06-18T05:30:00+05:30
ఇంట్లో చాలాసార్లు సాలెపురుగులను చూసుంటారు. ఈరోజు అలాంటి సాలీడును తయారుచేద్దామా!...
ఇంట్లో చాలాసార్లు సాలెపురుగులను చూసుంటారు. ఈరోజు అలాంటి సాలీడును తయారుచేద్దామా!
కావలసినవి:
- కోడిగుడ్లు పెట్టే అట్ట పళ్లెం(ఎగ్‌ కార్టన్‌)
- నలుపు రంగు
- బ్రష్‌
- పైప్‌ క్లీనర్స్‌ లేదా లావుపాటి నల్ల దారం
- గూగ్లీ కళ్లు
తయారీ:
- ముందుగా ఎగ్‌ కార్టన్‌లో ఒక గుడ్డు పెట్టే భాగం వరకు కట్‌ చేసి తీసుకోండి. కింది భాగం ఎగుడు దిగుడు లేకుండా కట్‌ చేయాలి.
- ఆ భాగానికి బ్రష్‌తో నలుపు రంగు వేయండి.
- ఒకవైపు నాలుగు, మరోవైపు నాలుగు మొత్తం ఎనిమిది రంధ్రాలు చేయండి.
- ఎనిమిది పైప్‌ క్లీనర్స్‌(మూడు అంగుళాలు) తీసుకోండి. అవి లేకపోతే ఊలు దారం కట్‌ చేసుకోవాలి.
- ఒక్కో రంధ్రంలో ఒక్కో దారం ముక్కను పెట్టి జిగురుతో అతికించండి. ఇవి సాలెపురుగు కాళ్లు అన్నమాట.
- ఇప్పుడు గూగ్లీ కళ్లను అతికించాలి. అంతే.. స్పైడర్‌ రెడీ.
Updated Date - 2020-06-18T05:30:00+05:30 IST