గాలిలో అగ్గిపుల్ల!
ABN, First Publish Date - 2020-06-26T05:30:00+05:30
మీ స్నేహితులను పిలవండి. మండుతున్న అగ్గిపుల్లను ముట్టుకోకుండా గాల్లోకి లేచేలా చేస్తాను అని చెప్పండి. ఎలా చేయాలంటే...
మీ స్నేహితులను పిలవండి. మండుతున్న అగ్గిపుల్లను ముట్టుకోకుండా గాల్లోకి లేచేలా చేస్తాను అని చెప్పండి. ఎలా చేయాలంటే...
- ఒక ఖాళీ అగ్గిపెట్టె తీసుకుని టేబుల్‌పై పెట్టండి.
- ఒక అగ్గిపుల్లను నిటారుగా నిలబడి ఉండేలా అగ్గిపెట్టెపై అతికించండి. మండే భాగం పైకి ఉండాలి.
- మరో అగ్గిపుల్ల తీసుకోండి. అతికించిన అగ్గిపుల్లకు 45 డిగ్రీల కోణంలో దాన్ని ఆనించి పెట్టండి. కానీ మండే భాగాలు రెండూ కలిసి ఉండాలి.
- మీ మ్యాజిక్‌ ఇక మొదలవుతుంది. ఆ రెండు అగ్గిపుల్లలను అంటించండి. అగ్గిపుల్లలు అంటుకుని మండడం ప్రారంభం కాగానే 45 డిగ్రీల కోణంలో ఉంచిన అగ్గిపుల్ల గాల్లోకి లేవడాన్ని చూడొచ్చు.
- అది ఎలా జరిగిందంటే... రెండు అగ్గిపుల్లలూ ఒకేసారి అంటుకోవడం వల్ల అధిక మొత్తంలో ఉష్ణం ఉత్పత్తి అయింది. అప్పుడు ఆ రెండు భాగాలు కలిసిపోయాయి. ఫలితంగా కింద అంటించని అగ్గిపుల్ల గాలిలోకి లేచింది.
Updated Date - 2020-06-26T05:30:00+05:30 IST