ఒంటె పిల్ల ప్రశ్నలు
ABN, First Publish Date - 2020-12-10T06:22:34+05:30
ఒక ఎడారిలో ఒక ఒంటె దాని పిల్ల నడుస్తూ వెళుతున్నాయి. అలసిపోవడంతో విశ్రాంతి తీసుకునేందుకు ఒక చోట
ఒక ఎడారిలో ఒక ఒంటె దాని పిల్ల నడుస్తూ వెళుతున్నాయి. అలసిపోవడంతో విశ్రాంతి తీసుకునేందుకు ఒక చోట ఆగాయి. అప్పుడు పిల్ల ఒంటె తల్లి ఒంటెను ‘అమ్మా! మన మూపురం ఎందుకు అంత పెద్దగా ఉంటుంది?’ అని అడిగింది. దానికి తల్లి ఒంటె ‘నీళ్లను దాచుకోవడానికి మనకు మూపురం తోడ్పడతుంది. మూపురం ఉండడం వల్లనే చుక్క నీరు దొరకని ఎడారిలో కూడా బతకగలుగుతున్నాం’ అని చెప్పింది. ‘అవునా’ అనుకొని ‘మన పాదాలు ఎందుకు గుండ్రంగా ఉంటాయి?’ అని ప్రశ్నించింది పిల్ల ఒంటె.
‘ఎడారిలో ఇసుకలో ఏ ఇబ్బంది లేకుండా నడవడానికి వీలుగా మన పాదాలు గుండ్రంగా ఉంటాయి’అని చెప్పింది. ‘సరే. మరి మన కనురెప్పలు పెద్దవిగా ఉండడానికి కారణం ఏంటి?’ అంటుది. అందుకు తల్లి ఒంటె ‘ఎందుకంటే ఎడారిలో నడిచేటప్పుడు వడగాలులు, ఇసుక తుఫాన్‌ల సమయంలో మన కళ్లలో ఇసుక పడకుండా పెద్ద కనురెప్పలు ఉంటాయి’ అని చెప్పి, పిల్లను వెంటేసుకొని తల్లి ఒంటె తిరిగి తమ ప్రయాణాన్ని మొదలెడుతుంది.
Updated Date - 2020-12-10T06:22:34+05:30 IST